„თუ მაინცდამაინც გიორგი მარგველაშვილი არ წარმოგვიდგენს მთავარი პროკურორის კანდიდატს და ამით ქვეყანა დაიქცევა, ეს არის ჩვენი ამომრჩევლის შეცდომაში შეყვანა“, – ამის შესახებ პარლამენტის სპოკერმა მანანა კობახიძემ რიგგარეშე სხდომაზე განაცხადა, სადაც „პროკურატურის შესახებ“ კანონპროექტს განიხილავენ. 

მისივე თქმით, ევროკავშირის წევრ ქვეყნებში პროკურატურა აღმასრულებელი ხელისუფლების დაქვემდებარებაშია და პროკურორები აპოლიტიზირებულები არიან. 

„ძალიან ბევრ ევროკავშირის წევრ ქვეყანაში, ავსტრიაში, გერმანიაში, დანიაში, ესტონეთში, ესპანეთსა და ნიდერლანდებში პროკურატურა აღმასრულებელი ხელისუფლების, იუსტიციის დაქვემდებარებაშია. სლოვაკეთსა და უნგრეთში პროკურორი პარლამენტის წინაშეა ანგარიშვალდებული. ეს ნიშნავს იმას,  რომ ისინი არიან მიკერძოებულები, პოლიტიზირებულები?! რომ პროკურატურა გერმანიაში არაეფექტურად მუშაობს?! – რა თქმა უნდა არა.   იმის მტკიცება, თუ მაინცდამაინც მარგველაშვილი არ წარმოგვიდნეს კანდიდატს,  ამით ქვეყანა იქცევა –  ეს არის ჩვენი ამომრჩევლების შეცდომაში შეყვანა.  ჩვენმა ქვეყანამ გამოიარა სხვადასხვა პერიოდები, როდესაც ხან პარლამენტი ირჩევდა გენერალურ პროკურორს, ხან პრეზიდენტი ირჩევდა  ძალოვან მინისტრებს და მათ შორის იუსტიციის მინისტრს, რომელიც ასევე იყო პრაქტიკულად პროკურორი, მაგრამ მაშინ ჩვენს ქვეყანას ძალიან სერიოზული პრობლემები ჰქონდა დანაშაულთან ბრძოლასთან.  იყო კორუფციასთან ბრძოლის,  ადამიანის ფუნამდენტური უფლებების დარღვევის პრობლემები და მაშინ  პროკურატურა ნამდვილად იყო პოლიტიკური დევნის მექანიზმი“, – აღნიშნა კობახიძემ.  

ცნობისთვის, პარლამენტში რიგგარეშე სხდომაზე „პროკურატურის შესახებ“ კანონპროექტს განიხილავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე