„საქართველოს სახელმწიფოს ტერიტორიაზე ისტორიული სამართლიანობის საპირისპიროდ, დგას ოკუპანტის ჯარი, რომლისთვისაც პროვოკაციების მოწყობა იოლია“,-ამის შესახებ საქართველოს პრეზიდენტმა გიორგი მარგველაშვილმა პრეზიდენტის სასახლეში ევროკავშირის  მისიის ეგიდით ცენტრალური აფრიკის რესპუბლიკაში  საქართველოს სამშვიდობო კონტიგენტთან შეხვედრისას  განაცხადა.

მისივე თქმით, ევროპაში კედლები ყოფილა აღმართული, რომლებიც ადამიანებს და სახელმწიფოებს ჰყოფს. თუმცა, პრეზიდენტის განცხადებით, საქართველოსა და ევროპის ისტორიიდან ცნობილია, რომ ნებისმიერი ასეთი ძალადობრივად აგებული კედელი, ადრე თუ გვიან ინგრევა. გიორგი მარგველაშვილი ამბობს, რომ გამყოფ ხაზთან მიმდინარე პროცესებს მშვიდად დააკვირდებიან.

„ეს ადამიანები გლობალური მშვიდობის სადარაჯოზე დადგნენ. ჩვენ ქვეყანას ვანვითარებთ როგორც თანემდრო დემოკრატიულ და ევროპულ სახელმწიფოს, ეს განვითარება ყველა მიმართულებით ხორციელდება. ვავითარებთ ჩვენს ქვეყანას პასუხისმგებლიანად და როგორც გლობალური უსაფრთხოების,  პასუხისმგებლიანი მოთამაშე, ჩვენ გვჯერა, რომ უახლოეს მომავალში ის სიკეთე, რომელსაც სხვა სახელმწიფოებთან ერთად ვქმნით გლობალური უსაფრთხოების სახით,  კიდევ უფრო მნიშვნელოვნად დაუბრუნდება ჩვენს სახელმწიფოს.სახელმწიფოს, რომლის ტერიტორიაზეც, სამწუხაროდ და ისტორიული სამართლიანობის საპირისპიროდ დგას ოკუპანტის ჯარი.ჯარი, რომლისთვისაც იოლია ყოველდღიუარდ გაუგებარი მიზეზების გამო,  პროვოკაციის მოწყობა და უმტკივნეულეს საკითხზე,  რომელიც  ითითოეულ ჩვენს მოქალქეს შეეხება, თამაში.იქნება ეს სრულიად უკანონო და ისტორიული ლოგიკის საწინააღმდეგო  მავთულხლართების გავლებით, თუ იქნება ეს ყოველგვარი შინაარს მოკლებული ბანერების გადაწევა გადმოწევით. ჩვენ ვართ ევროპის ნაწილი. ევროპაში ყოფილა აღმართული კედლები, რომლებიც ადამიანებს და სახელმწიფოებს ჰყოფს.მაგრამ ჩვენ ჩვენი და ევროპის ისტორიიდან ვიცით, რომ ნებისმიერი ასეთი ხელოვნური და ძალდობრივად აგებული კედელი, ადრე თუ გვიან ინგრევა. ჩვენ მშვიდად რაციონალურად და ყურადღებით დავაკვირდებით ამ პროცესს და ვიქნებით  საქართველოშიც იმ სტაბილურობის და იმ სიმშვიდის შექმნელი და გარანტი, რომელიც ისტორიულად აბსოლუტურად გვეკუთვნის ჩვენ და რომლის დადგომაშიც წვლილი შეგვქვს“,-განაცხადა გიორგი მარგველაშვილმა. 

პრეზიდენტის სასახლეში სამხედროებთან შეხვედრას ევროპული საბჭოს პრეზიდენტი დონალდ ტუსკი და თავდაცვის მინისტრი თინა ხიდაშელიც დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი