აშშ-ს 39-ე პრეზიდენტი ჯიმი კარტერი დღეს 95 წლის გახდა. კარტერი, არის რეკორდსმენი სიცოცხლის ხანგრძლივობით  აშშ-ს პრეზიდენტებს შორის და ასევე რეკორდსმენი საზოგადოებრივ-პოლიტიკური მოღვაწეობით აშშ-ს პოლიტიკურ ისტორიაში.

4 წლის წინ ჯიმი კარტერს კიბო აღმოუჩინეს, თუმცა ინტენსიური თერაპიის შემდეგ აშშ-ს 39-ე პრეზიდენტმა ის დაამარცხა. 

შემდგომი სამშვიდობო მოღვაწეობისთვის კარტერს მიღებული აქვს ნობელის პრემია 2002 წელს.

კიმი კარტერი არის აშშ-ის 39-ე პრეზიდენტი (1977-1981) დემოკრატიული პარტიიდან. როგორც პრეზიდენტმა კარტერმა ენერგეტიკის და განათლების დეპარტამენტები შექმნა. მან ენერგეტიკული პოლიტიკა შეიმუშავა, რომელიც კონსერვაციას, ფასების კონტროლს და ახალ ტექნოლოგიებს გულისხმობდა.

1980 წელს აშშ-მ ბოიკოტი გამოუცხადა მოსკოვში ჩატარებულ ოლიმპიურ თამაშებს და დაჩქარებული წესით განაგრძო საკუთარი ბირთვული პოტენციალის ზრდა.

კარტერის მმართველობის პერიოდში მოხდა ისლამური რევოლუცია ირანში; აიათოლა ჰომეინიმ აშშ "დიდ სატანად" გამოაცხადა, და 1980 წელს მძევლად აიყვანეს ამერიკის საელჩოს თანამშრომლები თეირანში. მოლაპარაკებები და ძალისმიერი მეთოდებით მძევლების განთავისუფლების მცდელობები უშედეგოდ დასრულდა. 1980 წლის ნოემბერში ჩატარებული არჩევნები, სადაც კარტერი მეორე ვადით იყრიდა კენჭს, რესპუბლიკელი რონალდ რეიგანის გამარჯვებით დასრულდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის

რუსეთი სომხეთიდან ხილისა და ბოსტნეულის იმპორტს ზღუდავს