აჭარის მთავრობის თავმჯდომარე თორნიკე რიჟვაძე ხულოს მუნიციპალიტეტში დიდაჭარის,  დიოკნისის, ოქრუაშვილების მოსახლეობას შეხვდა. ადგილობრივი ხელისუფლების წარმომადგენლებთან  ერთად მუნიციპალიტეტში მიმდინარე  პროექტები მოინახულეს და მოსახლეობისგან მიიღეს ინფორმაცია მათი საჭიროებების და არსებული გამოწვევების შესახებ. 

,,ყველაზე დიდი პრივილეგია, რაც ხელისუფლებაში ყოფნის დროს გვაქვს, არის ხალხის სამსახური. ამიტომ, მნიშვნელოვანია როგორც საარჩევნო, ისე არასაარჩევნო პერიოდში შეხვედრები მოსახლეობასთან იყოს რეგულარული.

ბევრი მიმართულებით გვაქვს მნიშვნელოვანი და ხელშესახები  შედეგები, იქნება ეს ჯანდაცვა, განათლება, თუ ინფრასტრუქტურული პროექტები. პრაქტიკულად, აჭარაში ორი წლის პერიოდში ჩვენ არ გვექნება არცერთი სოფელი, დაბა თანამედროვე წყალმომარაგების, წყალარინების სისტემის და გზის გარეშე.

ის მიმდინარე საკითხები, რომლებიც ხალხს აწუხებს, უნდა  გადავჭრათ ოპერატიულად და ამაში ჩართული იქნება ხელისუფლების ყველა შტო, თითოეული საჯარო მოხელე. ხალხმა უნდა იცოდეს, რომ ჩვენ ვაკეთებთ ყველაფერს, რომ ეს პრობლემები ეტაპობრივად გადავჭრათ და გავითვალისწინოთ მომავალი წლის ბიუჯეტის დაგეგმარებისას" - აღნიშნა თორნიკე რიჟვაძემ ხულოს  მოსახლეობასთან შეხვედრისას.

 გაზიფიცირება, წყალმომარაგება, ინფრასტრუქტურა - ის ძირითადი მიმართულებებია, რომელიც აქტიურად ხორციელდება ხულოს მუნიციპალიტეტში. მიმდინარე წელს სრული რეაბილიტაცია ჩაუტარდა დაბა ხულოსა და დიოკნისის საჯარო სკოლებს. დაგეგმილია ორი ახალი სკოლის მშენებლობა. ასევე, დაბა ხულოში გაიხსნა პროფესიული სასწავლებელი.

მუნიციპალიტეტში აქტიურად მიმდინარეობს სპორტული ინფრასტრუქტურის განვითარება და საბავშვო ბაღების მშენებლობა. მიმდინარე წელს ხულოში სამი ახალი საბავშვო ბაღი გაიხსნება.

NS

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარკო რუბიო სომხეთში ჩავიდა

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს