მედოევი - ჩვენს ტერიტორიაზე არსებული წიაღისეულის ხელში ჩაგდება სურთ, ქართულმა მხარემ სავარაუდოდ, ინვესტორი იპოვა

2019-08-31 14:48:07, 1605 ნახვა

რეგიონი

ე.წ. სამხრეთ ოსეთის დე-ფაქტო საგარეო საქმეთა მინისტრის დიმიტრი მედოევის განცხადებით, "საქართველოს მოქმედებები რესპუბლიკის ტერიტორიაზე არსებული სასარგებლო წიაღისეულის ხელში ჩაგდებისკენ არის მიმართული".

როგორც მედოევმა აღნიშნა, საქართველოს მთავრობას სურს ამ წიაღისეულის გადაცემა უცხოელი ინვესტორებისთვის.

„როგორც იქნა ამ პროვოკაციის ნამდვილი შემკვეთები აღელდნენ. საქართველოს პროვოკაციას, შიდაპოლიტიკური მიზნების გარდა ჰქონდა კიდევ ერთი, სავარაუდოდ მთავარი მიზანი. ტერიტორია, რომელზეც არის საუბარი, დიდი ხანია ცნობილია „ტალკის“ და მარმარილოს გრანულების წარმოებით. საერთოდ ეს ხეობა მდიდარია მარმარილოს, სერპენტინიტის, ბარიტის და ნეფრიტის მარაგით, რომ აღარაფერი ვთქვათ სამრეწველო თიხის საბადოებზე და ძვირფასი ხის ჯიშების მთელ მასივებზე. ეჭვი მაქვს, რომ საქართველოს მთავრობამ იპოვა ინვესტორი, რომელსაც გადასცა ეს მიწები და ბიზნესის უსაფრთხო წარმოების გარანტიებიც მისცა. სახეზე გვაქვს ბიზნესის აბსპლუტურად უნამუსო წესებით წარმოების მაგალითი. ასეთი წესებით სარგებლობენ საერთაშორისო კორპორაციები მსოფლიოს სხვადასხვა ქვეყნებში. მათ არ აღელვებთ არც ოცი ხალხის ბედი და მითუმეტეს არც საქართველო. მათი მთავარი მიზანი რესურსების კონტროლი და მოგების მიღებაა “, - განაცხადა ე.წ. მინისტრმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან