საქართველოს იუსტიციის სამინისტროს სსიპ „დანაშაულის პრევენციის ცენტრის"  ბენეფიციარები 2 ივლისს, „დინამო არენაზე“ გასამართ საფეხბურთო მატჩს დაესწრებიან. 

თბილისის „დინამო“ ევროპა ლიგის 2015/2016  სეზონის საკვალიფიკაციო პირველ ეტაპზე აზერბაიჯანულ „გაბალას“ უმასპინძლებს. მატჩი  20.00 საათზე დაიწყება. 

აღსანიშნავია, რომ იუსტიციის სამინისტროს დანაშაულის პრევენციის ცენტრი სპორტის სხვადასხვა ფედერაციებთან და კლუბებთან  მჭიდროდ თანამშრომლობს. „ყოფილ პატიმართა რეაბილიტაციისა და რესოციალიზაციის პროგრამის" ბენეფიციარებისთვის საფეხბურთო კლუბმა „დინამომ“  მატჩზე დასასწრები ბილეთები უფასოდ  გამოყო. მატჩს ყოფილი პატიმრები და მათი ოჯახის წევრები დაესწრებიან. 

„ყოფილ პატიმართა რეაბილიტაციისა და რესოციალიზაციის პროგრამას" სსიპ „დანაშაულის პრევენციის ცენტრი“ ახორციელებს. პროგრამის მიზანია სასჯელაღსრულების დაწესებულებებიდან  გათავისუფლებული პირების რეაბილიტაციის ხელშეწყობა.  პროგრამის ბენეფიციარები მსგავს სპორტულ თუ კულტურულ ღონისძიებებს ხშირად ესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“