საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა, მინისტრის მოადგილემ მამუკა ცოტნიაშვილმა  და ხაშურის მუნიციპალიტეტის გამგებელმა გიორგი გურასპაშვილმა,  ხაშურში, დევნილთათვის განკუთვნილ ობიექტებზე მიმდინარე სარეაბილიტაციო სამუშაოები დაათვალიერეს.

ამის შესახებ „ექსპრესნიუსს“ ლტოლვილთა და განსახლების სამინისტროდან აცნობეს.

მათივე ინფორმაციით, ყოფილი რკინიგზის საავადმყოფოს შენობის რეაბილტაცია 20 ოქტომბერს დასრულდება და საცხოვრებელ ფართი 85 დევნილ ოჯახს გადაეცემა.  გარდა ამისა, 111 დევნილი ოჯახი მიიღებს ბინას ხაშურის ყოფილი საავადმყოფოს რეაბილიტაციის შედეგად.   ობიექტის რეაბლიტაცია 2015 წლის 29 სექტმბერს დასრულდება.

სოზარ სუბარი ხაშურის მუნიციპალიტეტის გამგეობაშიც იმყოფებოდა, სადაც დევნილი ოჯახების აპლიკაციების მიღების პროცესი მიმდინარეობს.

უწყების ინფორმაციით, საცხოვრებელი ფართის მიღების მოთხოვნით განაცხადი უკვე შეავსო 200-მდე დევნილმა ოჯახმა.

ხაშურის რაიონში, ორ ნგრევად ობიექტში მცხოვრები დევნილები ბინებს უპირობოდ,  ყოველგვარი კრიტერიუმების გარეშე მიიღებენ, ხოლო დანარჩენი ოჯახები გრძელვადიანი განსახლების კრიტერიუმების შესაბამისად განსახლდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“