The Guardian: პოლიციელები დახოცილ მტაცებლებთან იარაღით პოზირებდნენ, სურათებსა და სელფებს იღებდნენ

2015-06-16 00:21:29, 1341 ნახვა

მსოფლიო

ქართულ პოლიციას თბილისის ზოოპარკიდან წყალდიდობის დროს გაქცეული ცხოველების არასაჭირო დაცხრილვაში ადანაშაულებენ, - მასალას ასეთი სათაურით "The Guardian" აქვეყნებს
გაზეთის ინფორმაციით, პოლიციის სპეცდანიშნულების ქვედანაყოფებს გადაჭარბებულ რეაქციაში და ცხოველების დაცხრილვაში ადანაშაულებენ, მაშინ როდესაც ამის საჭიროება არ იყო.
როგორც თბილისის ზოოპარკის მომვლელებმა გაზეთს განუცხადეს, რამდენიმე პოლიციელი დახოცილ მტაცებლებთან იარაღით პოზირებდა, სურათებსა და სელფებს იღებდა.
"ჩემ თვალებს ვერ ვუჯერებდი. ეს მათთვის ტროფეი იყო", - განაცხადა ერთ-ერთმა ატირებულმა მომვლელმა, რომელმაც "გარდიანს" მისი ანონიმურობის დაცვა სთხოვა.
მისივე თქმით, მათ ერთ-ერთი მგლის ტრანკვილიზატორებით დაძინება მოახერხეს, თუმცა შემდეგ პოლიციელი მოვიდა და მოკლა.
შეგახსენებთ, რომ თბილისის ზოოპარკის ადმინისტრაციის განცხადებით, ზოოპარკში ბინადრების 50%-ზე მეტია დახოცილი.

აღნიშნულ ინფორმაციას "გარდიანთან" საუბარში საქართველოს მთავრობის წარმომადგენელი უარყოფს.

"ჩვენ არ გვაქვს ინფორმაცია, რომ პოლიცია იღებდა სელფებს ცხოველებთან. პოლიციამ ყველაფერს აკეთებდა, რათა გადაერჩინათ რაც შეიძლება მეტი ცხოველი", - განაცხადა თავრობის წარმომადგენელმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან