აჭარის მთავრობის თავმჯდომარე თორნიკე რიჟვაძემ, ამერიკის შეერთებული შტატების საერთაშორისო განვითარების სააგენტოს (USAID) პროექტის „მმართველობა განვითარებისთვის" (G4G) ფარგლებში, ბიზნესსექტორის წარმომადგენლებთან გამართულ შეხვედრაში მიიღო მონაწილეობა.

აჭარის მთავრობის პრესსამსახურის ინფორმაციით, შეხვედრაზე ბიზნეს ომბუდსმენის საქმიანობა, არსებული სერვისები და საგადასახადო სისტემა მიმოიხილეს.

თორნიკე რიჟვაძე ბიზნეს სექტორის წარმომადგენლებს მიესალმა და რეგიონის ეკონომიკურ განვითარებაში ბიზნესის როლზე და მთავრობის ხედვაზე ისაუბრა. როგორც რეგიონის ხელმძღვანელმა აღნიშნა, ბიზნესისთვის კაპიტალზე ხელმისაწვდომობის გაზრდა და მათი ინტერესების მაქსიმალური ხელშეწყობა მთავრობის მთავარი პრიორიტეტია. მისი თქმით, რეგიონულ დონეზე შესაბამისი სახელმწიფო სერვისებისა და პროგრამების არსებობა უზრუნველყოფილია. რამდენიმე თვეა საქართველოს ბიზნესომბუდსმენს თავისი წარმომადგენელი ჰყავს აჭარაში, ასევე, ადგილზეა შესაძლებელი პროგრამაში „აწარმოა საქართველოში" ჩართვა, რომლის ფარგლებში არაერთი პროექტი დაფინანსდება.

„მნიშვნელოვანია, რომ ჩვენს ბიზნესმენებს და საზოგადოებას ჰქონდეს ინფორმაცია არსებულ მექანიზმებზე, სახელმწიფოს ხელშეწყობის პროგრამებზე და იყოს მეტი მიმართვიანობა, მეტი აქტიურობა. ასევე, ბიზნესს და სახელმწიფოს შორის ურთიერთობა უნდა იყოს გამჭვირვალე და რეგულარული, ვინაიდან თქვენგან წამოსული ინიციატივებს ვანიჭებთ ყველაზე დიდ მნიშვნელობას“, - აღნიშნა თორნიკე რიჟვაძემ.

თორნიკე რიჟვაძემ ყურადღება გაამახვილა სამართლიანი და თანმიმდევრული თამაშის წესების შემოღებაზე, რაც ხელს უწყობს მეწარმეების ინტერესის გათვალისწინებასა და დაცვას.

ბიზნეს სექტორის წარმომადგენლებთან შეხვედრა შემოსავლების სამსახურში გაიმართა და მას საქართველოს ბიზნესომბუდსმენი ირაკლი ლექვინაძე, აჭარაში ბიზნესომბუდსმენის წარმომადგენელი ტარიელ გიორგაძე და შემოსავლების სამსახურის მომსახურების დეპარტამენტის ხელმძღვანელი გიორგი ბუბუტეიშვილი ესწრებოდა. 

(NS)

ავტორი: ,

სოციალური ქსელები

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო