საფრანგეთში მასშტაბური სპეცოპერაცია მიმდინარეობს

2018-10-02 17:20:34, 3610 ნახვა

მსოფლიო

საფრანგეთში მასშტაბური სპეცოპერაცია მიმდინარეობს - დაკავებულია 11 ადამიანი

საფრანგეთში მასშტაბური სპეცოპერაცია მიმდინარეობს, რის შედეგადაც 11 ადამიანია დაკავებული, - ამის შესახებ france24 იუწყება.

მედია საშუალების ინფორმაციით, ანტიტერორისტულ ქვედანაყოფს დანკირკის გარეუბანში მდებარე მუსლიმური ორგანიზაციის შტაბბინა ალყაში აქვს მოქცეული. პოლიცია შიიტი მუსლიმების ცენტრის შენობაში ჩხრეკას ატარებს.

მედიის ცნობით, ოპერაციაში 200 ძალოვანი მონაწილეობს. დაკავებულთა შორის ორგანიზაციის ლიდერი, იაჰუა გუასმი, რომელიც ანტისიონისტური მოწოდებებით და ირანთან კავშირებითაა ცნობილი. ძალოვანები ჩხრეკას დაკავებულების საცხოვრებლებშიც ატარებენ.

როგორც საგამოძიებო ორგანოში აცხადებენ, მუსლიმური ცენტრის ხელმძღვანელობა რამდენიმე ტერორისტულ ორგანიზაციასთან თანამშრომლობაშია ეჭვმიტანილი. გარდა ამისა, გამოძიებამ ორგანიზაციის ფინანსური ანგარიშები 6 თვით დააყადაღა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები