2018-09-17 10:42:06, 2024 ნახვა

---

ბატიაშვილი: წელს მნიშვნელოვანი წელი იქნება, რაც გულისხმობს რეფორმების მიმართულებით ნაბიჯების გადადგმას

„წელს მართლაც მნიშვნელოვანი წელი იქნება, რომელიც გულისხმობს რეფორმების მიმართულებით მნიშვნელოვანი ნაბიჯების გადადგმას“, - ამის შესახებ განათლების, მეცნიერების, კულტურის და სპორტის მინისტრმა, მიხეილ ბატიაშვილმა 150-ე სკოლაში განაცხადა.

მან მოსწავლეებს ახალი სასწავლო წლის დაწყება მიულოცა. ამასთან, მინისტრმა ყურადღება განათლების სისტემაში დაგეგმილ რეფორმებზე გაამახვილა.

„პირველ რიგში მივულოცავ ყველა მოსწავლეს, მშობელს, მასწავლებელს, სტუდენტს. მართლაც მნიშვნელოვანი დღეა ახალი სასწავლო წლის დაწყება და მინდა ყველას წარმატებები ვუსურვო. წელს მართლაც მნიშვნელოვანი წელი იქნება, რომელიც გულისხმობს რეფორმების მიმართულებით მნიშვნელოვანი ნაბიჯების გადადგმას. დღეს ვიმყოფებით 150-ე სკოლაში, სადაც უახლოეს დღეებში დაიწყება საგაკვეთილო პროცესი ახალი მიდგომით, რომელიც რეფორმაშია ნაგულისხმები. ვფიქრობ, ეს იქნება წარმატებული ნიმუში და ამ მოდელის გავრცელება დაიწყება სხვა სკოლებში“, - აღნიშნა მიხეილ ბატიაშვილმა.

ცნობისთვის, დღეს სასწავლო პროცესი განახლდა. სარეაბილიტაციო სამუშაოების გამო, 2018-2019 სასწავლო წლის დაწყება 1 კვირით გადაიდო 5 კერძო და 4 საჯარო სკოლაში.

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი