ფინანსთა სამინისტროს გაცხადებული პოლიტიკის ფარგლებში,  წინადადებებისა და მოსაზრებების განხილვის მიზნით, ახალი საბაჟო კოდექსის პროექტი გამოქვეყნდა.

როგორც "ექსპრესნიუსს" ფინანსთა სამინისტროდან აცნობეს, დოკუმენტი ხელმისაწვდომია როგორც უწყების, ისე საქართველოს საკანონმდებლო მაცნეს ოფიციალურ ვებგვერდებზე.

"ფინანსთა სამინისტრო ბიზნესსექტორის წარმომადგენლებს, ექსპერტებს, ყველა დაინტერესებულ და მიზნობრივ ჯგუფს სთავაზობს შენიშვნები და წინადადებები ფინანსთა სამინისტროს  ელექტრონული ფოსტის მისამართზე:  NewCustomsCode@mof.ge გამოაგზავნოს. 

პარალელურად, ფინანსთა სამინისტრო დაიწყებს საინფორმაციო კამპანიას ახალი საბაჟო კოდექსის საზოგადოებისთვის გაცნობის მიზნით", - ნათქვამია უწყების ინფორმაციაში. 

"კანონპროექტის შემუშავების მიზეზია საქართველოს საბაჟო კანონმდებლობის ევროკავშირის შესაბამის რეგულაციებთან დაახლოების და საბაჟო და საგადასახადო სფეროს მარეგულირებელი დებულებების გამიჯვნის აუცილებლობა. მისი მიზანია საქართველოს საბაჟო კანონმდებლობის დაახლოვება ევროკავშირის შესაბამის რეგულაციებთან და შესაბამისად, საქართველოში ევროკავშირის მსგავსი საბაჟო პროცედურების დანერგვა, რაც გაამარტივებს საქართველოსა და ევროკავშირს შორის საგარეო ვაჭრობასთან დაკავშირებულ საბაჟო პროცედურებს და შექმნის საქართველოსა და ევროკავშირის მეწარმეებისთვის ერთნაირ საბაჟო რეგულირების გარემოს", - წერია განმარტებით ბარათში. 

ავტორი: ,

სოციალური ქსელები

ორდღიანი ძებნის შემდეგ, დაკარგული მწყემსი მდინარე გუბისწყალში გარდაცვლილი იპოვეს

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ

ევროკავშირმა სანქციები დააწესა ოთხი ორგანიზაციისა და სამი ისრაელელი „ექსტრემისტი მკვიდრის“ წინააღმდეგ