2018-09-11 13:30:27, 915 ნახვა

---

ნაცვლიშვილი - პროკურატურა ვალდებულია ამ ტიპის ჩანაწერების გავრცელებისას სამართლებრივი პროცედურები დაიწყოს

პრეზიდენტის საპარლამენტო მდივანი ანა ნაცვლიშვილი ტელეკომპანია "იბერიასთან" დაკავშირებულ  აუდიჩანაწერს ეხმაურება, რომელშიც ყოფილი პრემიერ-მინისტრის ბიძინა ივანიშვილის დეიდაშვილი უჩა მამაცაშვილი ფიგურირებს.

ნაცვლიშვილის განცხადებით, პროკურატურას აქვს ვალდებულება ამ ტიპის ინფორმაციის გავრცელების შემთხვევაში სამართლებრივი პროცედურები ავტომატურად დაიწყოს.

"სისხლის სამართლის კოდექსი, რომელიც ამ ქვეყანაში მოქმედია ცალსახად განსაზღვრავს რომე ნებისმიერი ინფორმაცია, რომელიც შეიძლება შეიცავდეს დანაშაულის ნიშნებს არ საჭიროებს იმას, რომ მაინცდამაინც შესაძლო დაზარალებულმა მიმართოს პროკურატურას. პროკურატურას აქვს ვალდებულება რომ საჰარო სივრცეში ამ ტიპის ინფორმაციის გავრცელების შემთხვევაში ავტომატურად დაიწყოს სამართლებრივი პროცედურები“, - აღნიშნა ანა ნაცვლიშვილმა.

ცნობისთვის, ტელეკომპანიის ჟურნალისტები და არხის დამფუძნებლები საქართველოს პრეზიდენტს, გიორგი მარგველაშვილს ხვდებიან.

---

ავტორი: ,

---

დღის თემა

მთავარი თემა

ინტერვიუ - ექსკლუზივი