ჯერარ დეპარდიეს 22 წლის ქალი გაუპატიურებასა და სექსუალურ შევიწროებაში ადანაშაულებს

2018-08-31 12:56:21, 2562 ნახვა

მსოფლიო

ფრანგ მსახიობ ჟერარ დეპარდიეს 22 წლის მსახიობი ქალი გაუპატიურებასა და სექსუალურ შევიწროებაში ადანაშაულებს, - ამის შესახებ Parisien იუწყება.

მედია საშუალების ინფორმაციით, პარიზის პროკურატურამ მომხდართან დაკავშირებით გამოძიება უკვე დაიწყო. სამართალდამცველებს შესაბამისი ინფორმაცია თავად ქალმა, 27 აგვისტოს მიმართა. გოგონას ვინაობა მედიაში არ სახელდება, თუმცა როგორც მან პოლიციაში განაცხადა, ჟერარ დეპარდიემ მასზე ორჯერ იძალადა. მისი მტკიცებით, ინციდენტები 7 და 13 აგვისტოს მოხდა, როდესაც დეპარდიეს სახლში, პარიზში, თეატრალური პიესის არაფორმალური რეპეტიცია მიმდინარეობდა.

მედიის ცნობით, ჟერარ დეპარდიე გოგონას მამის მეგობარი იყო და ახალგაზრდას სამსახიობო კარიერაში დახმარებას ჰპირდებოდა.

თავის მხრივ მსახიობი ბრალდებებს უარყოფს.

"ის შოკირებულია. ასეთი ტიპის ბრალდებები ეწინააღმდეგება მის პიროვნებას და ფასეულობებს. მისთვის ეს ყველაფერი მიუღებელია", - განაცხადა დეპარდიეს ადვოკატმა.

ცნობისთვის, ფრანგმა მსახიობმა ჯერარ დეპარდიემ 2013 წელს ვლადიმერ პუტინისგან რუსეთის მოქალაქეობა მიიღო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები