საგარეო საქმეთა მინისტრი დავით ზალკალიანი პრეზიდენტობის კანდიდატის სალომე ზურაბიშვილის მიერ გაკეთებულ განცხადებას გამოეხმაურა, რომლის თანახმადაც პოლიტიკოსმა 2008 წლის აგვის ომის დაწყებაში საქართველო დაადანაშაულა.

მინისტრის თქმით, სალომე ზურაბიშვილი პრეზიდენტობის დამოუკიდებელი კანდიდატია და ეს ომთან დაკავშირებით  მისი პირადი პოზიცია არის. ამავე კონტექსტში, მან დასძინა, რომ "ქართულ ოცნებას" არ ჰყავს პრეზიდენტობის კანდიდატი, ხოლო ზურაბიშვილის მხარდაჭერის საკითხი ჯერ განხილვის პროცესში.

მინისტრმა აღნიშნა, რომ ომი 2008 წელს დაიწყო რუსეთმა და ეს არის საგარეო უწყების ურყევი პოზიცია.

“არაერთხელ განმიცხადებია, როგორც საკუთარი, ასევე საგარეო საქმეთა სამინისტროს პოზიცია, რომ 2008 წელს რუსეთის მხრიდან აგრესია განხორციელდა, რასაც ჩვენი ქვეყნის ტერიტორიების ოკუპაცია მოჰყვა. ეს ის პოზიციაა, რომელსაც მუდმივად ვაფიქსირებდით. ეს არის პოზიცია, რომელსაც ჩვენ მუდმივად გამოვხატავთ ყველა საერთაშორისო ფორუმზე, ჩვენს ყველა განცხადებაში. ეს არის პოზიცია, რაზეც ვსაუბრობთ ჟენევის საერთაშორისო მოლაპარაკებების ფორმატში. "ქართულ ოცნებას" არ ჰყავს პრეზიდენტობის კანდიდატი. შესაბამისად ეს არის ქალბატონი სალომე ზურაბიშვილის პოზიცია", - განაცხადა დავით ზალკალიანმა.

ავტორი: ,

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის