იმერლიშვილი: სააკაშვილს საქართველოს პრეზიდენტისთვის ორმაგი მოქალაქეობის მიღების თხოვნით ჯერ არ მიუმართავს

2015-06-01 16:23:47, 545 ნახვა

პოლიტიკა

„მიხეილ სააკაშვილს საქართველოს პრეზიდენტისთვის ორმაგი მოქალაქეობის მიღების თხოვნით ჯერ არ მიუმართავს“,-ამის შესახებ ჟურნალისტებს ეროვნული უშიშროების საბჭოს მდივანმა ირინე იმერლიშვილმა განუცხადა.

მისივე თქმით, პრეზიდენტის მაგივრად ვერ ისაუბრებს, მიმართვის შემთხვევაში, მიიღებს თუ არა მიხეილ სააკაშვილი ორმაგ მოქალაქეობას.

„პრეზიდენტის მაგივრად კომენტარს ვერ გავაკეთებ. ჯერ არ მოუმართავს მას, ასეთი პროცედურა არ ყოფილა“,-განაცახდა იმერლიშვილმა.

შეგახსენებთ, საქართველოს ყოფილმა პრეზიდენტმა მიხეილ სააკაშვილმა უკრაინის მოქალაქეობა მიიღო და ოდესის ოლქის გუბერნატორი გახდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან