15:36 - 28 May, 2026
ჩვენ შესახებ რეკლამა/ხელმოწერა
2018-07-03 20:09:24, 957 ნახვა

კომენტარი
კაპანაძე შსს-ს მაღალჩინოსანზე: თუ შაბათს აქ არ ვნახავთ იოსებ სიგუას, მოგვიწევს, კონკრეტულ უწყებას მივმართოთ

„თუ პარლამენტის საგამოძიებო კომისიის შაბათის სხდომაზე ბატონი იოსებ სიგუა არ გამოცხადდება, კომისია შესაბამის უწყებას მიმართავს“,- ასე გამოეხმაურა ხორავას ქუჩაზე მომხდარი მკვლელობის საქმის შემსწავლელი დროებითი საგამოძიებო კომისიის ხელმძღვანელი სერგი კაპანაძე დეტექტივების სამმართველოს უფროსის, იოსებ სიგუას სხდომაზე არ მისვლის ფაქტს.

როგორც მან აღნიშნა, სხდომაზე გამოუცხადებლობა კანონის დარღვევაა.

„მინდა მივმართო ბატონ იოსებს, რომ მასაც ველით შაბათს, 10:00 საათზე აქ, კომისიის სხდომაზე გამოუცხადებლობა არის კანონის დარღვევა, კონკრეტულად პარლამენტის რეგლამენტის 64-ე მუხლის 1-ლი პუნქტის დარღვევა. თუ ჩვენ შაბათს არ ვნახავთ აქ ბატონ იოსებს, მაშინ მოგვიწევს მიმართვა კონკრეტულ უწყებაზე, რომ ის არღვევს კანონს“, - განაცხადა სერგი კაპანაძემ.

შეგახსენებთ, დღევანდელ სხდომაზე დღეს შინაგან საქმეთა სამინისტროს წარმომადგენლების - გამომძიებელ ირაკლი ფიფიას, დეტექტივების სამმართველოს უფროსის იოსებ სიგუას და თბილისის პოლიციის დეპარტამენტის უფროსის შალვა ბედოიძის მოსმენა უნდა გაგრძელებულიყო, თუმცა პარლამენტში მხოლოდ ფიფია და ბედოიძე მივიდნენ. როგორც მათ აღნიშნეს, სიგუამ სხდომაზე მისვლა ჯანმრთელობასთან დაკავშირებული პრობლემის გამო ვერ შეძლო.

 





ავტორი: ,


სოციალური ქსელები
ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა
კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს
კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია
ევროკავშირი რუსეთისგან მოითხოვს ცხინვალის რეგიონიდან, აფხაზეთიდან და დნესტრისპირეთიდან მისი გაყვანას
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics