სამტრედიის ქუჩაზე მამაკაცი დაჭრეს - თავდამსხმელი დაკავებულია

2018-05-11 13:03:12, 1403 ნახვა

სამართალი

სამტრედიის ქუჩაზე გუშინ, გვიან ღამით მამაკაცი ცეცხლსასროლი იარაღით დაჭრეს.

შინაგან საქმეთა სამინისტროს ცნობით, თავდამსხმელი ცხელ კვალზე დააკავეს.

როგორც უწყებაში აცხადებენ, გამოძიება სსკ-ის 118-ე და 236-ე მუხლებით მიმდინარეობს.

"გატარებული საგამოძიებო მოქმედებების შედეგად 1950 წელს დაბადებული პირი, თბილისში, სამტრედიის ქუჩაზე გუშინ, გვიან ღამით, მომხდარი დაჭრის ფაქტზე ცხელ კვალზე დავაკავეთ. გამოძიებამ დაადგინა, რომ ბრალდებულმა 1989 წელს დაბადებულ პირს პირს ურთიერთშელაპარაკებისას მისი კუთვნილი ცეცხლსასროლი იარაღიდან გასროლით სხეულის დაზიანება მიაყენა და შემთხვევის ადგილიდან მიიმალა. დაჭრილი მამაკაცი საავადმყოფოში გადავიყვაეთ და მის სიცოცხლეს საფრთხე არ ემუქრება. გამოძიება ცეცხლსასროლი იარაღის უკანონო შეძენა-შენახვის, ტარების და ჯანმრთელობის ნაკლებად მძიმე დაძიანების ფაქტზე მიმდინარეობს", - აცხადებენ შსს-ში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები