დღეს აჭარის მთავრობის თავმჯდომარემ ზურაბ პატარაძემ გმირთა ხეივანში მეორე მსოფლიო ომში დაღუპულთა ხსოვნას პატივი მიაგო.

გმირთა ხეივანში  შეკრებილ ვეტერანებს ფაშიზმზე გამარჯვების დღე ზურაბ პატარაძესთან ერთად  აჭარის უმაღლესი საბჭოს თავმჯდომარემ დავით გაბაიძემ, ქალაქ ბათუმის მერმა ლაშა კომახიძემ და საკანონმდებლო და აღმასრულებელი ხელისუფლების წარმომადგენლებმაც მიულოცეს.

„73 წელი გავიდა მეორე მსოფლიო ომის დასრულებიდან. მინდა ყველას მივულოცო ფაშიზმზე გამარჯვების დღე. პირველ რიგში ეს დღე მინდა მივულოცო ჩვენს ვეტერანებს, იმ ადამიანებს, რომლებიც იბრძოდნენ ფაშიზმის წინააღმდეგ. თქვენ იცით, რომ საქართველოდან დაახლოებით 300 000 ადამიანი ითვლება დაღუპულად და უგზო-უკვლოდ დაკარგულად. ჩვენი ვალია გვახსოვდეს ისინი და მოვუფრთხილდეთ ჩვენს ვეტერანებს. გვაქვს სურვილი წლიდან წლამდე ვიხილოთ ისინი და ვუსურვოთ ჯანმრთელობა და დიდხანს სიცოცხლე", - აღნიშნა ფაშიზმზე გამარჯვების დღისადმი მიძღვნილ ღონისძიებაზე მყოფმა აჭარის მთავრობის თავმჯდომარემ.

დღესვე, ზურაბ პატარაძემ ყვავილებით შეამკო მეორე მსოფლიო ომის გმირის ანატოლი კაჭარავას საფლავი, რომელსაც უდიდესი წვლილი მიუძღვის საქართველოს საზღვაო-სანაოსნოს დაარსებაში.

(NS)

ავტორი: ,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“