ვახტანგ გომელაური: ადამიანების გატაცების პრობლემა დღეს და გუშინ არ დამდგარა

2015-05-25 13:25:37, 378 ნახვა

პოლიტიკა

შინაგან საქმეთა მინისტრის ვახტანგ გომელაურის განცხადებით, საოკუპაციო ხაზის მიმდებარე სოფლებიდან ადამიანების გატაცება სისტემატიურად ხდება.

ამის შესახებ მინისტრმა სოფელი ქარქუსაანიდან 42 წლის მამაკაცის გატაცებასთან დაკავშრებით აღნიშნა.

გომელაურის თქმით, ამ ეტაპზე მოლაპარაკებები მიმდინარეობს და იმედი გამოთქვა, რომ უახლოეს პერიოდში გატაცებულს გაათავისუფლებენ და სახლში დააბრუნებენ.

"ეს პრობლემა არ დამდგარა არც დღეს და არც გუშინ, პერიოდულად ხდება ამ ადამიანების გატაცება, ახლაც მუშაობს ანალიტიკური სამსახური, დღესაც გაიმართა მოლაპარაკებები. იმედია გაათავისუფლებენ და სახლებში დააბრუნებენ",- განაცხადა გომელაურმა

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან