პრეზიდენტ გიორგი მარგველაშვილის განცხადებით, მას 2 წლის წინ აქვს გაცემული პასუხი იმაზე, თუ რატომ შეუზღუდეს გუშინ პარლამენტში სიტყვის თავისუფლება.

როგორც მარგველაშვილმა გადაცემა "რეაქციაში" განმარტა, პასუხი იმაზე, თუ რატომ არ შეუძლიათ პრეზიდენტის მოსმენა, დეპუტატების კითხვებიდანაც ჩანდა.  

"პასუხი იმაზე, თუ რატომ შემიზღუდეს სიტყვის თავისუფლება ჩემს გამოსვლაში, მე ორი წლით ადრე გავეცი, როცა პირველად მივედი ამ პარლამენტში და ვუთხარი, საკონსტიტუციო უმრავლესობა ერთდროულად დიდი შესაძლებლობაცაა და ამავე დროს დიდი საშიშროებაც. ამას ჩვენ დღეს ვადევნებთ თვალყურს - „საქართველოში მხოლოდ ერთი პარტია უნდა არსებობდეს და მხოლოდ ერთი პარტია უნდა საუბრობდეს თავის სიმართლეს“. აქეთ მიდის ქვეყანა და ამაზე ვუთხარი, რომ ბოლო წინადადებით, რითაც მივმართე პარლამენტს - ქვეყნის სტაბილურობისთვის და აგრეთვე თქვენი სტაბილურობისთვის, როგორც მმართველი პარტიის,  მიხვდით რომ ზეჭარბი ხელისუფლება მოიპოვეთ, რომელსაც თქვენ ვეღარც იყენებთ. ისიც ვითხარი, რომ მე მინახავს შევარდნაძის ხელისუფლებაც, მინახავს "ნაციონალური მოძროაბის" ხელისუფლებაც, და ქვეყანას აღარ სჭირდება ერთი და იგივე ციკლზე ტრიალი. პასუხი იმაზე, რატომ არ შეუძლიათ ჩემი მოსმენა, ძალიან ნათელია და კითხვებიდანაც ჩანდა", - განაცხადა პრეზიდენტმა.

ავტორი: ,

სოციალური ქსელები

გორში, პოლიციელთა ძალადობის კადრები ჟურნალისტებმა საკუთარი ფანჯრიდან გადაიღეს

აზერბაიჯანი დამოუკიდებლობის დღეს აღნიშნავს

CNN: ტრამპი დედამიწის მოსახლეობის თერთმეტიდან, ერთ ადამიანს ემუქრება

შვედეთი უკრაინას Gripen-ის თვითმფრინავების მიაწოდებს