„ეროვნული ბანკი არასოდეს გადადგამს ისეთ ნაბიჯებს, რომ მოკლევადიანი გაუმჯობესებით ქვეყნის მომავალი დაზარალდეს“, - ამის შესახებ ეროვნული ბანკის პრეზიდენტის მოადგილემ არჩილ მესტვირიშვილმა ჟურნალისტებს ადამიანის უფლებათა დაცვის კომიტეტის სხდომის დასრულების შემდეგ განუცხადა, სადაც ეროვნული ბანკის 2014 წლის ანგარიში დეპუტატებმა უარყოფითად შეაფასეს.
მისივე თქმით, ეროვნული ბანკი არის დამოუკიდებელი, რომ მიიღოს გადაწყვეტილებები ეკონომიკური ზრდისა და გრძელვადიან პარამეტრებზე დაყრდნობით. 
 „ჩვენი მხრიდან, ჩვენ ვთვლით რომ აბსოლუტურად სწორი გადაწყვეტილებები მივიღეთ, რაც ძალიან მნიშვნელოვანია ქვეყნის მომავალი განვითარებისთვის და არასოდეს არ გადავდგამთ ისეთ ნაბიჯებს, რომ მოკლევადიანი გაუმჯობესებით ქვეყნის მომავალი დავაზარალოთ. ასეთი პოზიცია აქვს საერთაშორისო ორგანიზაციებსაც, ექსპერტებს, ვისაც გული სტკივა როგორც ქვეყნის აწმყოზე, ასევე მომავალზე. ეროვნული ბანკი არის დამოუკიდებელი, რომ მიიღოს გადაწყვეტილებები მისი მანდატის ფარგლებში გრძელვადიანი ეკონომიკური ზრდისა და გრძელვადიან პარამეტრებზე დაყრდნობით. ჩვენ მიერ გატარებული პოლიტიკა არის საუკეთესო ქვეყნის მოსახლობისათვის როგორც მომავლისთვის, ასევე აწმყოსთვის“, - განაცხადა არჩილ მესტვირიშვილმა.
ამასთან, მესტვირიშვილმა განაცხადა, რომ დეპუტატები არიან პოლიტიკოსები და იღებენ პოლიტიკურ გადაწყვეტილებებს.
„იმის ახსნა მოსახლეობისთვის თუ რამდენად სწორი იყო ეროვნული ბანკის ნაბიჯები შეუძლებელია, სწორედ ამიტომაც არის ცენტრალური ბანკი დამოუკიდებელი“,-განაცხადა არჩილ მესტვირიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“