"პატრიოტთა ალიანსის" ლიდერი ირმა ინაშვილის NDI-ს საქართველოს ოფისის დირექტორის მიერ გაკეთებულ განცხადებას ეხმაურება, რომლის თანახმადაც აშშ-ის პრეზიდენტმა დონალდ ტრამპმა არ იცის საქართველო სად მდებარეობს.

ინაშვილის შეფასებით, თორნტონის კომენტარი უხერხული და არადიპლომატიურია.

"მართლაც უხერხული კომენტარია. რბილად, რომ ვთქვათ არადიპლომატიური, ვინაიდან ამერიკის შეერთებული შტატები არის საქართველოს სტრატეგიული პარტნიორია. ბატონმა ტრამპმა გადასარევად იცის სად მდებარეობს საქართველო და ის, რომ ქალბატონ ლორას არ ევასება ტრამპი ვიცით, მაგრამ ამან ჩრდილი არ უნდა მიაყენოს საქართველო-ამერიკის ურთიერთობებს", - განაცხადა პარლამენტის ვიცე-სპიკერმა.

შეგახსენებთ, ლორა თორნტონი "იმედთან" ინტერვიუს დროს დასმულ შეკითხვას, რომელიც კვლევაში სამხედრო თვალსაზრისით რუსეთისა და ამერიკის შეერთებული შტატების შედარებას ეხებოდა,სოციალურ ქსელში გამოეხმაურა: ”გასულ ღამეს, "იმედის" ჟურნალისტმა სიტყვასიტყვით მკითხა, ხომ არ გეგმავდა NDI-ი აშშ-ის და რუსეთის სამხედრო ძალებზე კითხვის ამგვარად ფორმულირებით ამერიკის პრეზიდენტის რუსეთთან დაპირისპირების ლობირებას. ხმამაღლა გამეცინა. ტრამპი რუკაზე საქართველოს დიდი ალბათობით ვერც იპოვის, არათუ თვალს ადევნებს აქ ჩატარებული კვლევის შედეგებს! მაგრამ მე მომწონს ვარაუდი, თითქოს ამხელა გავლენა გვაქვს!”, - წერს ლორა თორნტონი Facebook-ზე. ამ განცხადების გამო, საპარლამენტო უმრავლესობის წევრმა ირაკლი მეზურნიშვილმა მას საჯაროდ ბოდიშის მოხდა სთხოვა.

ავტორი: ,

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო