ფრაქცია "ქართული ოცნების" თავმჯდომარე მამუკა მდინარაძე დარწმუნებულია, რომ თემირლან მაჩალიკაშვილის საქმესთან დაკავშირებით გამოძიება ყველა კითხვას პასუხს გასცემს.

საპარლამენტო უმრავლესობის წევრი სპეცსამსახურების მუშაობას დადებითად აფასებს:

"უპასუხისმგებლობა განცხადება იქნება ჩემი მხრიდან, რომ გითხრათ - იყო თუ არა თემირლან მაჩალიკაშვილი ტერორისტი. კითხვები არსებობს, რომლებსაც პასუხი გამოძიებამ უნდა გასცეს. მთავარია ჩვენი სპეცსამსახურები მუშაობენ კარგად. ისინი პირველად საქართველოს ისტორიაში, ბოლო პერიოდის განმავლობაში ამოდიან ეროვნული ინტერესებიდან. დარწმუნებული ვარ ასეთივე გულრწფელი იქნება გამოძიება და ის ყველა კითხვას გასცემს პასუხს", - განაცხადა მამუკა მდინარაძემ.

ცნობისთვის, თემირლან მაჩალიკაშვილი სოფელ დუისში დღეს დაკრძალეს. მაჩალიკაშვილი წმინდა მიქაელ მთავარნაგელოზის კლინიკაში გუშინ გარდაიცვალა. ის 2 კვირის განმავლობაში კომატოზურ მდგომარეობაში იმყოფებოდა.

შეგახსენებთ, რომ 26 დეკემბერს პანკისის ხეობაში ჩატარებული სპეცოპერაციის დროს 19 წლის თემირლან მაჩალიკაშვილი თავის არეში დაიჭრა. როგორც სუს-ში განაცხადეს, მაჩალიკაშვილს ხელყუმბარის მოქმედებაში მოყვანა უნდოდა და მის მიმართ გასროლა სწორედ ამიტომ განხორციელდა. დაშავებული თავდაპირველად თელავის რეფერალურ საავადმყოფოში, ხოლო მოგვიანებით წმინდა მიქაელ მთავარანგელოზის კლინიკაში გადაიყვანეს. თემირლან მაჩალიკაშვილი ორი კვირის განმავლობაში უგონო მდგომარეობაში იმყოფებოდა. ოჯახი მის საზღვარგარეთ გადაყვანას ითხოვდა. ჯანდაცვის სამინისტროს ხელმძღვანელობით ევროპისა და თურქეთის რამდენიმე კლინიკასთან მოლაპარაკებები მიმდინარეობდა. გუშინ, მაჩალიკაშვილის თურქეთის "კოჩის" კლინიკაში გადაყვანა გადაწყდა, თუმცა მისი გარდაჩენა ვერ მოხერხდა.

ავტორი: ,

სოციალური ქსელები

მსოფლიოში გადაადგილებისთვის საუკეთესო ქვეყნების რეიტინგი შედგა: ევროპა ლიდერობს

იზმირში ხალხს პოლიციამ ოპოზიციის ლიდერის მოსმენის უფლება არ მისცა და წყლის ჭავლით დაშალა

CENTCOM: აშშ-ის საზღვაო ძალებმა ბლოკადის დაწყებიდან, ირანთან დაკავშირებული 108 გემი ჩაკეტეს

გუტერეში: მსოფლიოში დაახლოებით 800 მილიონი ადამიანი კვლავ უკიდურეს სიღარიბეში ცხოვრობს