2017-12-05 14:24:49, 2106 ნახვა

---

„არავის აქვს უფლება, პოლიტიკური ტერორი განახორციელოს“ - ტიმოშენკო სააკაშვილს მხარდაჭერას უცხადებს

„ორი რევოლუციის შემდეგ, მასობრივი რეპრესიების შემდეგ, მთელი ცივილიზებული სამყაროს წინაშე მიმდინარეობს მართლსაწინააღმდეგო ქმედება საქართველოს მესამე პრეზიდენტის მიმართ," - ასე გამოეხმაურა პარტია „ბატკივშჩინას“ ლიდერი იულია ტიმოშენკო მიხეილ სააკაშვილის დაკავებას.

ტიმოშენკომ უკრაინის უმაღლესი რადას დეპუტატებს მიმართა:

„როდესაც მასთან შეცვივდნენ სახლში, არ უშვებდნენ ადვოკატებს, არ უშვებდნენ დეპუტატებს, აიძულეს საქართველოს მესამე პრეზიდენტი ასულიყო სახურავზე და მთელი ცივილიზებული სამყაროს წინაშე რჩებოდა შთაბეჭდილება, რომ ის აპირებდა სახურავიდან გადმოხტომას, რადგანაც ეს იყო მისი პროტესტი იმ პოლიტიკური მოქმედების წინააღმდეგ, ჩვენ აქ უნდა ვიყოთ, გვერდით დავუდგეთ საქართველოს ექსპრეზიდენტს. არავის აქვს უფლება, რომ მთელი ცივილიზებული სამყაროს წინაშე პრაქტიკულად განახორციელოს პოლიტიკური ტერორი, რომელიც დღეს გახდა უკრაინის სახე“, - განაცხადა ტიმოშენკომ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი