„მონტენეგროს სახით საქართველოს ნატო-ში კიდევ ერთი მხარდამჭერი ქვეყანა შეემატა, რაც ჩვენ მომავალ წარმატებაში კიდევ უფრო გვარწმუნებს“,- ამის შესახებ საქართველოს პარლამენტის თავმჯდომარემ ირაკლი კობახიძემ მონტენეგროს პარლამენტის თავმჯდომარესთან ივან ბრაიოვიჩთან შეხვედრის შემდეგ გაართულ ერთობლივ ბრიფინგზე განაცხადა.

მისივე თქმით, მონტენეგროს წინსვლა ევროატლანტიკური ინტეგრაციის გზაზე, იმედის მომცემია, რომ საქართველოც მალე შეუერთდება ნატოს თანამეგობრობას:

„მინდა მადლობა გადავუხადო მათ დაპირების შესრულებისთვის და საქართველოში სტუმრობისთვის. ჩვენთვის ძალიან დიდი პატივია ვუმასპინძლოთ მონტენეგროს საპარლამენტო დელეგაციას, რადგან მონტენეგროს წინსვლა ევროატლანტიკური ინტეგრაციის გზაზე, დიდ იმედს გვაძლევს, რომ საქართველოც მალე შეუერთდება ნატოს თანამეგობრობას. დამოუკიდებლობის მოპოვების შემდეგ, მონტენეგრომ და საქართველომ მოახერხეს, დაეძლიათ არასტაბილურობის გარდამავალი პერიოდი და მყარად დადგომოდნენ ევროპული და ევროატლანტიკური ინტეგრაციის გზას, რომელიც ჩვენი ხალხების არჩევანია და ჩვენი ქვეყნების მომავალი უსაფრთხოებისა და განვითარების მყარი საფუძველი უნდა გახდეს. დღევანდელი რეგიონული უსაფრთხოების გამოწვევების დასაძლევად ჩვენს ქვეყნებსა და ხელისუფლებას მოეთხოვება თანმიმდევრული, პროგრესული და მიზანმიმართული რეფორმების გატარება, რომლების საბოლოო მიზანი დემოკრატიული და დამოუკიდებელი სახელმწიფოების ჩამოყალიბებაა“, - განაცხადა ირაკლი კობახიძემ.

მონტენეგროს პარლამენტის თავმჯდომარე ივან ბრაიოვიჩი საქართველოს  დელეგაციასთან ერთად ეწვია.

ავტორი: ,

სოციალური ქსელები

თბილისში დიდი საპროტესტო მსვლელობა მიმდინარეობს

სებ: ბრიტანეთის სანქციებში მითითებული სუბიექტები ეროვნული ბანკის მიერ რეგულირებული არ არიან

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით