„გარდამავალ პერიოდში ჩვენ მოვემზადებით და ყოველდღიურად ვიმუშავებთ, რომ მერიაში შესვლის წამიდან შევუდგეთ  აქტიურ საქმიანობას“,-ამის შესახებ „ქართული ოცნების“ თბილისის მერობის კანდიდატმა კახა კალაძემ პარტიაში გამართულ ბრიფინგზე განაცხადა.

კალაძემ მხარდამჭერებს მის მიმართ გამოხატული ნდობისთვის კიდევ ერთხელ გადაუხადა მადლობა.

„მე ყოველდღიურად ვგრძნობ თქვენს მხარდაჭერას, ყოველწუთიერად შემოდის მოლოცვები, ახალი იდეები, წერილები, „ფეისბუქის“, ტელეფონის თუ სხვა საკომუნიკაციო  საშუალებების მეშვეობით.

ძალიან მახარებს თბილისელების ასეთი ჩართულობა და მიორმაგებს პასუხისმგებლობას საზოგადოების წინაშე. მინდა გამცნოთ, რომ კანონის თანახმად, მერის უფლებამოსილების განხორციელებას შევუდგები ნოემბრის მეორე ნახევრიდან ფორმალური პროცედურების დასრულების შემდეგ. თუმცა, ეს არ ნიშნავს, რომ ამ ტრანზიციის პერიოდში, ჩვენ ნაკლები აქტიურობა გვექნება. გარდამავალ პერიოდში ჩვენ მოვემზადებით და ყოველდღიურად ვიმუშავებთ, რომ მერიაში შესვლის წამიდან შევუდგეთ  აქტიურ საქმიანობას, პირდაპირ დავიწყოთ ჩვენი პროგრამის აღსრულება და თბილისის განვითარების ახალ ეტაპზე გადაყვანა. შესაბამისად, ტრანზიციის პერიოდში ძალიან მაღალი აქტივობა  გვექნება  და პერიოდულად მოგაწვდით თქვენთვის საინტერესო  ინფორმაციებს“,-განაცხადა კალაძემ.

ავტორი: ,

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს