„ამ დროისთვის არსებული ყველა მონაცემებით, ოპოზიციური კანდიდატების საერთო მხარდაჭერა ჯამში გაცილებით აღემატება სახელისუფლებო კანდიდატის მხარდაჭერას“, - ამის შესახებ „ნაციონალური მოძრაობის“ თბილისი მერობის კანდიდატმა ზაალ უდუმაშვილმა პარტიის ოფისში გამართულ ბრიფინგზე განაცხადა.

როგორც მან აღნიშნა, მოსალოდნელია, რომ ხელისუფლება გაათმაგებული ძალებით შეეცდება ზეგავლენა მოხდინოს საარჩევნო პროცესზე:

”მე მინდა მივმართო ამომრჩეველს, განსაკუთრებით კი ამომრჩეველს, რომელიც ამ დრომდე არ მისულა საარჩევნო უბანთან და არ დაუფიქსირებია თავისი პოზიცია. მოგიწოდებთ ყველას აქტიურობისკენ, მოგიწოდებთ ყველას, რომ მიხვიდეთ და დააფიქსიროთ თქვენი პოზიცია, გამოხატოთ თქვენი ნება. ამ დროისთვის არსებული ყველა მონაცემებით, ოპოზიციური კანდიდატების საერთო მხარდაჭერა ჯამში გაცილებით აღემატება სახელისუფლებო კანდიდატის მხარდაჭერას. ასე რომ, მოსალოდნელია, რომ ამ დროიდან ხელისუფლება გაათმაგებული ძალებით შეეცდება, რამენაირად ზეგავლენა მოახდინოს საარჩევნო პროცესზე და უპირველე ყოვლისა ეს რა თქმა უნდა არჩევნების გაყალბებას უკავშირდება. ამის მთავარი წამალი კი სწორედ ამომრჩევლების აქტიურობაა. რაც მეტი ამომრჩეველი მიდის საარჩევნო უბანთან, მით უფრო ნაკლებია შანსი, რომ არჩევნები გაყალბდეს. ჩვენ აბსოლუტურად ყველა ფრონტზე ვართ წარმოდგენილი და მაქსიმალურად ვაკონტროლებთ საარჩევნო უბნებზე არსებულ ვითარებას, თუმცა ამ შემთხვევაში გადამწყვეტ როლს თამაშობთ თქვენ - ამომრჩეველი, სწორედ თქვენს აქტიურობაზე დამოკიდებული რა შედეგით დასრულდება დღევანდელი საარჩევნო პროცესი. ერთად გადავწყვიტოთ, ვის გადავაბარებთ თბილისის მმართველობას მომავალი ოთხი წლის განმავლობაში”, - განაცხადა ზაალ უდუმაშვილმა.

ავტორი: ,

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს