კალიფორნიის "თავისუფლების კოალიცია" (CFC) დარწმუნებულია იმაში, რომ კალიფორნიის გამოყოფა ამერიკის შეერთებული შტატებისგან, გაცილებით მარტივი იქნება, ვიდრე კატალონიის ესპანეთისგან, - ამის შესახებ The Sacramento Bee იუწყება.

როგორც ორგანიზაციაში აცხადებენ,  კალიფორნიელებს უფრო მეტი სამართლებრივი ინსტრუმენტი გააჩნიათ, რომელიც გამოყოფის კამპანიას თავს წარმატებით გაართმევს.

"ფინანსურად მსგავსება არსებობს (კალიფორნიასა და კატალონიას შორის) - ჩვენ ორივე გავცემთ უფრო მეტს, ვიდრე ვღებულობთ. თუმცა ამერიკის კონსტიტუციაში უფრო მეტი "კომფროტული" დეტალია გაწერილი ვიდრე ესპანეთის. ამიტომ, კალიფორნიას უფრო მეტი სამართლებრივი ინსტრუმენტი გააჩნია, დამოუკიდებლობა გამოაცხადოს",- განაცხადა CFC-ს წარმომადგენელმა დეივ მერინმა.

მედიის ცნობით, მერინი მეათე შესწორებაზე საუბრობს, რომელშიც უფლებამოსილება, რომლის მიხედვითაც კონსტიტუცია არ ითვალისწინებს ფედერალური მთავრობის იურისდიქციას, შტატებს რჩება. ეს, დამოუკიდებლობის გამოცხადების უპირობო უფლებას არ იძლევა, თუმცა მერინი თვლის, რომ ვაშინგტონთან მოლაპარაკებების შესაძლებლობა არსებობს.

სააგენტო წერს, რომ "თავისუფლების კოალიცია" ხელმოწერებს აგროვებს, რათა ამ საკითხზე ხმის მიცემა 2018 წელს ჩატარდეს. მათი თქმით, მიზანი შტატებისგან აბსოლუტური გამოყოფა არ არის, თუმცა მათ უნდათ კონსტიტუციის შესწორება, რომლის მიხედვითაც კალიფორნია ქვეყნის განუყოფელი ნაწილია.

ავტორი: ,

სოციალური ქსელები

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ

სამართალდამცველებმა კერძო საბავშვო ბაღის აღმზრდელი არასრულწლოვნის მიმართ ჩადენილი ძალადობის ბრალდებით დააკავეს