|
2017-08-23 04:31:49, 1386 ნახვა
სამხედრო
GDRP-ის განხორციელების შესახებ ურთიერთგაგების მემორანდუმი გაფორმდა
საქართველოს თავდაცვის მზადყოფნის პროგრამის (GDRP) განხორციელებასთან დაკავშირებით, თავდაცვის სამინისტროსა და აშშ-ის ევროპულ სარდლობას შორის, ურთიერთგაგების მომემორანდუმი გაფორმდა. მემორანდუმს ხელი საქართველოს მხრიდან თავდაცვის მინისტრმა, ლევან იზორიამ და აშშ-ის მხრიდან ევროპული სარდლობის (EUCOM) J-5/8 დეპარტამენტის უფროსმა, გენერალ-მაიორმა დევიდ ალვინმა მოაწერეს. ლევან იზორიამ ამერიკელ სტუმარს მჭიდრო თანამშრომლობისა და მხარდაჭერისთვის მადლობა გადაუხადა და საქართველოს შეიარაღებული ძალების განვითარებისთვის პროგრამის მნიშვნელობაზე ისაუბრა. თავდაცვის მინისტრის განცხადებით, მემორანდუმი ჩვენი ქვეყნის ტერიტორიული თავდაცვის გაძლიერებას ითვალისწინებს, განსაკუთრებით კი წვრთნების მიმართულებით: „ ამერიკელ კოლეგებთან ერთად მომავალი სამი წლის განმავლობაში ჩვენი ცხრა ბატალიონის დაკომპლექტებას, აღჭურვასა და მუდმივ წვრთნებს ვგეგმავთ, რათა თავდაცვითი შესაძლებლობები გაიზარდოს და საქართველო მომავალში უფრო უსაფრთხო ქვეყანა გახდეს“, - განაცხადა ლევან იზორიამ. GDRP საქართველოს თავდაცვის სამინისტროსა და აშშ-ის თავდაცვის დეპარტამენტს შორის უსაფრთხოების სფეროში 2016-2019 წლებისთვის გაფორმებული ჩარჩო ხელშეკრულების ფარგლებში ხორციელდება. მემორანდუმის ხელმოწერამდე გენერალ-მაიორ დევიდ ალვინს საქართველოს თავდაცვის მინისტრმა უმასპინძლა. შეხვედრას გენერალური შტაბის უფროსი, გენერალ-მაიორი ვლადიმერ ჩაჩიბაია, მინისტრისა და გენერალური შტაბის უფროსის პირველი მოადგილეები, ლელა ჩიქოვანი და პოლკოვნიკი ნიკოლოზ ჯანჯღავა, ასევე, საქართველოს შეიარაღებული ძალების მთავარი სერჟანტი, კობა ცირეკიძე დაესწრნენ. (NS)
ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.
დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება
26 მაისს დაგეგმილ დიდ საპროტესტო აქციას სტუდენტებიც უერთდებიან
NYT: ტრამპის ადმინისტრაცია ისრაელს ირანთან მოლაპარაკებებში გვერდზე უდგას
|
რედაქტორის რჩევით
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
რა მოხდა კოპენჰაგენში რაზეც კობახიძე და სამთავრობო მედია დარდობს
ომი უკრაინაში
უკრაინა თავის ჩრდილოეთ რეგიონებს ბელორუსიიდან შესაძლო შეტევისგან თავდაცვისთვის ამზადებს.
უკრაინამ განაცხადა რუსული დრონების სასწავლო ცენტრის და 65 კურსანტის განადგურების შესახებ
ვიდეო/LIVE პატრიარქის ილია მეორის დაკრძალვა - პირდაპირი
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
მთავარი თემა
|





epn.ge (@expressnews.ge)