შინაგან საქმეთა სამინისტროს გენერალური ინსპექციის  თანამშრომლები,  საქართველოს   ევროკავშირთან   ასოცირების   შეთანხმების სამოქმედო   გეგმის   ფარგლებში,  ბელგიის სამეფოში სამუშაო ვიზიტით იმყოფებოდნენ.

ვიზიტის ფარგლებში,  შსს-ს  გენერალური  ინსპექციის  უფროსის  პირველი  მოადგილე, ალექსანდრე  დოღონაძე,  გენერალური  ინსპექციის  უფროსის მოადგილე,  ვარლამ  ხათრიძე   და   გენერალური  ინსპექციის  ადმინისტრაციის უფროსი, გიორგი  ცხვედიანი ბელგიის  სამეფოს  შინაგან   საქმეთა   და უსაფრთხოების სამინისტროს,  ფედერალური  პოლიციის,  ფედერალური  პოლიციის გენერალური  ინსპექციისა  და  პოლიციის   მონიტორინგის მუდმივი  კომიტეტის   ხელმძღვანელებსა  და  წარმომადგენლებს შეხვდნენ.

საქართველოს შსს-ს გენერალური ინსპექციის წარმომადგენლებმა ევროპელ კოლეგებს  უწყების  სტრუქტურის,   საქმიანობის, განხორციელებული და მიმდინარე რეფორმების შესახებ ინფორმაცია მიაწოდეს.

შეხვედრაზე განიხილეს ისეთი საკითხები, როგორიცაა: პოლიციის საქმიანობაზე ზედამხედველობის ინსპექტირების მეთოდები, პოლიციის საქმიანობის   ეფექტურობის   შეფასების   კრიტერიუმების განსაზღვრა, ასევე, სტატისტიკური   მონაცემების დამუშავება,  ანალიზი  და  მის საფუძველზე, პრევენციული საქმიანობის დაგეგმვა. მხარეებმა     სხვადასხვა   მიმართულებით თანამშრომლობის გაღრმავების სურვილი გამოთქვეს და  სამომავლო გეგმები დასახეს.

ვიზიტი ევროკავშირის  ტექნიკური  მხარდაჭერისა  და  ინფორმაციის  გაცვლის  სამსახურის (TAIEX) ორგანიზებით  განხორციელდა.   იგი  მიზნად ისახავდა უწყებებს შორის პოლიციის საქმიანობაზე ზედამხედველობის კუთხით გამოცდილების გაზიარებას,  პოლიციის   საქმიანობაზე  შიდა და გარე კონტროლის მექანიზმების გაცნობას და მათი დადებითი და  უარყოფითი   მხარეების   შედარებას.

ბელგიის   სამეფოს  სამართალდამცავი სტრუქტურების გამოცდილება  საქართველოს შსს-ს გენერალურ ინსპექციას შესაძლებლობას მისცემს,  თავისი საქმიანობა კიდევ უფრო ეფექტიანად წარმართოს, უზრუნველყოს   საზოგადოების   მხრიდან   მისი   ცნობადობის  გაზრდა და   სანდოობის ხარისხის ამაღლება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლომ გიგა ავალიანის საქმეზე ბრალდებულები დამნაშავედ ცნო, სასჯელს 2 ივნისს გამოცხადდება

15 წლის მოზარდი, რომელსაც თბილისში ეძებდნენ, გარდაცვლილი იპოვეს

უკრაინამ სევასტოპოლსა და რუსეთის რამდენიმე რეგიონზე სარაკეტო და დრონებით იერიში მიიტანა

ვიდეოს გავრცელების შემდეგ, პროკურატურამ პოლიციელთა სავარაუდო ძალადობაზე გამოძიება დაიწყო