რუსეთი ოფიციალურ ვაშინგტონს აფრთხილებს, სირიაში "უპასუხისმგებლო ქმედებებისგან" თავი შეიკავოს, - ამის შესახებ  რუსეთის საგარეო საქმეთა სამინისტროს მიერ გავრცელებულ განცხადებაშია აღნიშნული.

როგორც განცხადებაშია ნათქვამი, ვაშინგტონის განცხადებები იმასთან დაკავშირებით, რომ სირიის ხელისუფლება ქიმიური შეტევის განსახორციელებლად ემზადება, ტერორისტებისთვის ერთგვარი მესიჯია, რათა მასშტაბური პროვოკაცია განახორციელონ.

"არ შეგვეძლო, რომ ყურადღება არ მიგვექცია თეთრი სახლის პრესსპიკერის შონ სპაისერის მიერ გაკეთებულ განცხადებას, თითქოს სირიის ხელისუფლება მოსახლეობაზე მორიგი ქიმიური თავდასხმის განხორციელებას აპირებს. მათ შორის სპაისერმა აღნიშნა, რომ ბაშარ ალ-ასადი ამის სანაცვლოდ მაღალ საფასურს გადაიხდის. ეს ვაშინგტონის მიერ განხორციელებული მორიგი ინსინუაციებია. რაც შეეხება ვაშინგტონის საომარ რიტორიკას, საჭიროდ ჩავთვალეთ გავაფრთხილოთ ამერიკელი კოლეგები უპასუხისმგებლო ქმედებებისგან თავი შეიკავონ, რომლებიც ეწინააღმდეგებიან გაერო-ს წესდებასა და საერთაშორისო სამართლის საყოველთაოდ აღიარებულ ნორმებს, როგორც ეს მოხდა 7 აპრილს, „შაირათის“ ავიაბაზაზე განხორციელებული ავიადარტყმებისას.

რუსეთი გააგრძელებს მოთხოვნას, რომ მომხდართან დაკავშირებით შესაბამისი, სრულფასოვანი და პროფესიონალური გამოძიება ჩატარდეს და გამოძიების დროს საკითხის პოლიტიზირება არ მოხდეს ", - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე