ოთხმა ქვეყანამ, რომლებმაც ყატართან დიპლომატიური ურთიერთობები გაწყვიტეს, ოფიციალურ დოჰას მოთხოვნების სია გაუგზავნა, - ამის შესახებ BBC იუწყება.

მედია საშუალების ინფორმაციით, ეგვიპტემ, საუდით არაბეთმა, გაერთიანებულმა საემიროებმა და ბაჰრეინმა, ყატარისგან ტელეკომპანია "ალ-ჯაზირას" დახურვა მოითხოვეს.

ამასთან, ჩამოთვლილი ქვეყნები აცხადებენ, რომ თუ ყატარი მოთხოვნებს დააკმაყოფილებს, ისინი დიპლომატიურ ურთიერთობებს აღადგენენ.

საბუთში დაკონკრეტებულია, რომ ტელეკომპანიის ყველა ფილიალი უნდა დაიხუროს.

როგორც მედია წერს, საუდის არაბეთი და ეგვიპტე ტელეკომპანია "ალ-ჯაზირას" არაერთხელ ადანაშაულებდა ისლამისტურ პროპაგანდასა და განსხვავებული აზრის ხელშეწყობაში.

გარდა ამისა, მოთხოვნების თანახმად, ყატარმა უნდა დახუროს თურქული სამხედრო ბაზა და ირანთან ურთიერთობა შეკვეცოს - ეს ყველაფერი კი, 10 დღეში უნდა შესრულდეს.

ცნობისთვის, სპარსეთის ყურეში არსებულ ქვეყნებში პოლიტიკური კრიზისი მას შემდეგ დაიწყო რაც 10-ზე მეტმა ქვეყანამ ყატართან დიპლომატიური ურთიერთობები შეწყვიტა. ისინი ყატარს ტერორიზმის დაფინანსებაში ადანაშაულებდნენ. აღნიშნულ ბრალდებებს ოფიციალური დოჰა უარყოფს.

ამასთან, ყატარს აღნიშნულ მოთხოვნებთან დაკავშირებით ოფიციალური კომენტარები ჯერ არ გაუკეთებია, თუმცა მანამდე საგარეო საქმეთა მინისტრმა შეიჰ მოჰამედ აბდელ რაჰმან ალ-ტანიმ განაცხადა, რომ სანამ სანქციები არ მოიხსნება, ხელისუფლება არანაირ მოლაპარაკებებში ჩართვას არ აპირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე