საქართველოს პრემიერ-მინისტრის გიორგი კვირიკაშვილის განცხადებით, წელს საზაფხულო ბანაკებში  დასვენების შესაძლებლობა უფრო მეტ ბავშვს მიეცა.

მთავრობის სხდომის დაწყებამდე, გიორგი კვირიკაშვილმა განათლების მინისტრს ამ თემაზე დეტალური ინფორმაციის წარმოდგენა სთხოვა.

ჯეჯელავას განმარტებით, წელს ბანაკებში 11000 ბავშვი დაისვენებს, მაშინ, როცა შარშან  ამის შესაძლებლობა მხოლოდ  4 000 ბავშვს მიეცა:

„წელს 11 000  ბავშვია,   მე-7, მე-8, და მე-9 კლასელი  მცირე სკოლებიდან, ესაა სოფლის სკოლები და ქალაქის მცირე სკოლები, ესაა ის თემი , ის გარემო,  საიდანაც ყველაზე ნაკლები შანსი აქვთ ბავშვებს, რომ ბანაკებში მოხვდნენ და დასასვენებლად წავიდნენ და 7 ბანაკში  დაისვენებენ 1 კვირის განმავლობაში. მხოლოდ დასვენება არ არის,  ყველა ბანაკი შემეცნებითია. ძალიან გვიხარია, რომ  გვაქვს ეკობანაკი, გვაქვს  თავდაცვის სამინისტროსთან ერთად ერთობლივი  ბანაკი, პროფესიულ სასწავლებელთან ერთობლივი ბანაკები და მომავალში  იმედი გვაქვს,  ეს დაფარავს მთელი საქართველოს მცირე სკოლებს, ტრანსპორტირებას, კვებას ყველაფერს უზრუნველყოფს სახელმწიფო. ძალიან დიდი  მნიშვნელობა აქვს ამ ბავშვების უნარების ჩამოყალიბებისთვის ამას. ჩვენ გვინდა, რომ მომავალ წლებში ეს პროცესი გაიზარდოს. წელს 11 000 ბავშვია,  შარშან 4000 ბავშვი იყო სულ ბანაკებში.  იზრდება ძალიან სწრაფად რიცხვი,  ყველა  სამინისტროს მხარდაჭერისთვის დიდი მადლობა“,-აღნიშნა ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს