საქართველოს პრემიერ-მინისტრის გიორგი კვირიკაშვილის განცხადებით, კონსტიტუციური მონარქის  საკითხი, დღევანდელი და ხვალინდელი დღის გადასაწყვეტი არაა.

თუმცა, კვირიკაშვილი ამბობს, რომ კონსტიტუციურ მონარქიასთან დაკავშირებით განცხადება საკმაოდ საინტერესოა. ამასთან, პრემიერმა უწმინდესს მადლობა გადაუხად, რათა  ის ქვეყნის მომავალზე ბევრს ფიქრობს:

„ეს საკითხი არ არის არც დღეის და არც ხვალის გადასაწყვეტი, ამ საკითხის გადაწყვეტას შესაძლოა, დასჭირდეს ათწლეული,  უფრო მეტი, ან ნაკლები. ამაზე დღეს მსჯელობა არ არის, თუმცა, ეს განცხადება  საკმაოდ საინტერესოა. ასეთი საკითხის გადაწყვეტა მხოლოდ ფართო საზოგადოებრივი კონსენსუსით უნდა მოხდეს“, - განაცხადა გიორგი კვირიკაშვილმა და დასძინა, რომ პატრიარქის განცხადება კონსტიტუციურ ცვლილებებს არასწორად დაუკავშირეს.

შეგახსენებთ, გუშინ სრულიად საქართველოს კათოლიკოს-პატრიარქმა ილია მეორემ ბრძანა, რომ კონსტიტუციურ მონარქიას ქვეყანაში სიმშვიდე შემოაქვს. დღეს კი პარლამენტის თავმჯდომარემ განაცხადა, რომ კონსტიტუციურ მონარქიას  პოლიტიკურ და სახელმწიფოებრივ ცხოვრებაში  ნამდვილად  სიმშვიდე შემოაქვს. ამასთან, ცოტა ხნის წინ, პარლამენტის თავმჯდომარე და იურიდიულ საკითხთა კომიტეტის თავმჯდომარე ეკა ბესელია უწმინდესს შეხვდნენ. მედიასთან  შეხვედრის დეტალებზე არ უსაუბრიათ, მხოლოდ აღნიშნეს, რომ ილია მეორესთან  ზოგადი საუბარი ჰქონდათ, მათ შორის კონსტიტუციურ მონარქიაზე

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს