ევროპის მოედანზე საქართველოს თავდაცვის სამინისტროს ეროვნული გვარდიის სამხედრო-საჩვენებლმა ორკესტრმა და დიდი ბრიტანეთისა და ჩრდილოეთ ირლანდიის გაერთიანებული სამეფოს არმიის ბენდმა -„The Salamanca Band & Bugles of The Rifles“ მუსიკალური წარმოდგენა გამართეს.

თავდაცვის სამინისტროს ინფორმაციით, ღონისძიების დასაწყისში, ბრიტანული ბენდის წევრებმა მეტეხის ხიდზე მუსიკალური კომპოზიციების თანხლებით, მარშირება მოაწყვეს.

წარმოდგენის შემდეგ კი, ქართულმა და ბრიტანულმა ორკესტრებმა სამხედრო მარშები, ასევე თანამედროვე მუსიკის შედევრები შეასრულეს.

უწყების ინფორმაციით, ერთობლივი კონცერტი მიზნად ქართველ და ბრიტანელ ხალხთა შორის კულტურათა დიალოგის პროცესის გაძლიერებასა და სამხედრო-სამოქალაქო თანამშრომლობის გაღრმავებას ისახავს.

თავდაცვის სამინისტროს სამხედრო ორკესტრისა და „The Salamanca Band & Bugles of The Rifles“-ის ერთობლივი კონცერტი საქართველოში უკვე მეორედ გაიმართა.

საჩვენებელ მუსიკალურ წარმოდგენას ქალაქ თბილისის მერი დავით ნარმანია, საქართველოში დიდი ბრიტანეთის სამეფო საზღვაო ძალების სამხედრო ატაშე, ვიცე–პოლკოვნიკი დევიდ ეთელი, ასევე თავდაცვის უწყებისა და საელჩოს წარმომადგენლები დაესწრნენ.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება

26 მაისს დაგეგმილ დიდ საპროტესტო აქციას სტუდენტებიც უერთდებიან

NYT: ტრამპის ადმინისტრაცია ისრაელს ირანთან მოლაპარაკებებში გვერდზე უდგას