კობახიძე: პროპორციულ საარჩევნო სისტემაზე გადასვლასთან დაკავშირებით, უმრავლესობის შიგნით სერიოზული წინააღმდეგობაა

2017-06-05 11:18:32, 2336 ნახვა

პოლიტიკა კომენტარი

პარლამენტის თავმჯდომარის ირაკლი კობახიძის განცხადებით, პროპორციულ საარჩევნო სისტემაზე გადასვლასთან დაკავშირებით, უმრავლესობის შიგნით სერიოზული წინააღმდეგობაა.

როგორც მან დღევანდელ ბრიფინგზე აღნიშნა, პირადად მისი პოზიციაა, რომ დღეს არსებული საარჩევნო სისტემა პროპორციულით აუცილებლად უნდა შეიცვალოს და შეეცდება, ამაში კოლეგებიც დაარწმუნოს:

"სერიოზული წინააღმდეგობაა უმრავლესობის შიგნით პროპორციულ სისტემაზე გადასვლასთან დაკავშირებით. გრძელვადიან პერიოდში არსებული სისტემა რისკებს ქმნის. ჩემი პოზიციაა, რომ აუცილებელია გადასვლა პროპორციულ სისტემაზე. სერიოზული წინააღმდეგობაა გუნდის შიგნით, გაგრძელდება კონსულტაციები",-აღნიშნა კობახიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან