„ამ ქვეყანაში ყოველთვის ყველას ჰქონდა თავისი ადგილი - მეგობარს მეგობრული, მტერს მტრული. თუ ჩვენ გაგვაჩნია თავმოყვარეობა და ვართ სახელმწიფო, ასეთი ტიპის ადამიანები ამ ქვეყანაში ვერ უნდა სეირნობდნენ“, - ასე გამოეხმაურა „ევროპული საქართველოს“ ერთ-ერთი ლიდერი დავით ბაქრაძე მოსკოვის ყოფილი მერის, იური ლუჟკოვის საქართველოში ვიზიტს.

როგორც ბაქრაძემ აღნიშნა, ოკუპაციის კანონთან ერთად, არანაკლებ მნიშვნელოვანი, მორალური და პოლიტიკური კრიტერიუმები დაირღვა.

„ოკუპაციის კანონი დაირღვა, მაგრამ რა თქმა უნდა ამ კანონთან ერთად დაირღვა არანაკლებ მნიშვნელოვანი მორალური და პოლიტიკური კრიტერიუმები. ბატონი ლუჟკოვი არის პირი, რომელიც ხელმძღვანელობდა ცხინვალში ქართული სოფლების ნანგრევებზე რუსული სამხედრო ბაზების გაშენებას. ადამიანი, რომელიც ბოლო წუთამდე იდგა ასლან აბაშიძის გვერდით. ამიტომ ასეთი ადამიანი საქართველოში სასურველი სტუმარი ვერ იქნება. ქართველებს ყოველთვის გვიყვარდა სტუმარი, მაგრამ ამ ქვეყანაში ყოველთვის ყველას ჰქონდა თავისი ადგილი - მეგობარს მეგობრული, მტერს მტრული, ამიტომ თუ ჩვენ გაგვაჩნია თავმოყვარეობა და ვართ სახელმწიფო ასეთი ტიპის ადამიანები ამ ქვეყანაში ამ ვერ უნდ სეირნობდნენ, როგორც სასურველი სტუმრები“, - განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები

ზელენსკიმ კიევში დარტყმის ადგილები მოინახულა

მეუფე დანიელი - ჩვენი დიდი სურვილია, რომ ქვეყანაში დასრულდეს ურთიერთდაპირისპირება