ბრიტანეთის დედოფალის ელიზაბეთ მეორის მეუღლე, პრინც ფილიპი სამეფო ვალდებულებებზე უარის თქმას აპირებს, - ამის შესახებ Reuters ბუკინგემის სასახლის მიერ გავრცელებულ განცხადებაზე დაყრდნობით იუწყება.

მედია საშუალების ინფორმაციით, ედინბურგის ჰერცოგი, რომელიც 65 წლის განმავლობაში მეუღლესთან ერთად სამეფოს მართავდა, მიიღო გადაწყვეტილება, რომ მიმდინარე წლის შემოდგომაზე საჯარო ღონისძიებებში მონაწილეობა შეწყვიტოს.

“ აგვისტომდე, პრინცი ფილიპი გეგმავს დაესწროს ღონისძიებებს როგორც მარტო ასევე დედოფალთან ერთად, ამის შემდეგ კი საჯარო ღონისძიებებში მონაწილეობას აღარ მიიღებს. თუმცა დრო და დრო პრინცი შერჩეულ ღონისძიებებს დაესწრება. ამასთან, მსოფლიოს ყველაზე გრძელვადიანი მონარქი, 91 წლის ელიზაბეთ მეორე, საჯარო მოვალეობების შესრულებას გააგრძელებს", - აცხადებენ ბუკინგემის სასახლეში.

ბრიტანეთის სამეფო კარმა განცხადება მას შემდეგ გაავრცელა, რაც უამრავი ჭორი გავრცელდა სამეფო ოჯახის წევრების ჯანმრთელობის მდგომარეობის შესახებ. ამასთან, სამეფო კარის მიერ გავრცელებულ განცხადებაში, ნათქვამია, რომ მონარქების ოჯახის წევრების ჯანმრთელობის მდგომარეობა საგანგაშო არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები