2017-05-04 13:15:35, 2265 ნახვა

---

პროკურორი: „ცენტრ-პოინტის“ დაზარალებულებისთვის ზიანის ანაზღაურების გარეშე საპროცესო შეთანხმებაზე საუბარიც ზედმეტია

„ცენტრ-პოინტის“ საქმის პროკურორის ლაშა კოტრიკაძის განცხადებით, თუ დაზარალებულები არ დაკმაყოფილდნენ, საპროცესო შეთანხმება ვერ შედგება.

როგორც კოტრიკაძემ ჟურნალისტებს განუცხადა, დაცვის მხარეს გარკვეული ვარიანტები აქვთ, თუმცა კონკრეტული არაფერია. 

"დაზარალებულებისთვის ზიანის ანაზღაურების გარეშე საპროცესო შეთანხმებაზე საუბარიც ზედმეტია. ეს არ განიხილება არც ერთ შემთხვევაში. მხოლოდ და მხოლოდ მაშინ დაიწყება მოლაპარაკება, როცა დაზარალებულებს აუნაზღაურდებათ ზიანი. დაცვის მხარე რაღაც ვარიანტებს გვთავაზობს, თუმცა მოცემული ეტაპისთვის კონკრეტული არაფერია. როცა იქნება კონკრეტული და რეალური შემოთავაზება მხოლოდ და მხოლოდ მაშინ განვიხილავთ პირობებს", - აღნიშნა კოტრიკაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი