„მაოცებს ზოგიერთი ექსპერტის ძალიან ღრმა  ჩართულობა პრეზიდენტის მოხსენების პროცესში,  გია ხუხაშვილზე მაქვს საუბარი, მგონი პირდაპირ თანამონაწილეა რასაც პრეზიდენტი ამზადებს“, - ამის შესახებ „ქართული ოცნების“  წევრმა ლევან კობერიძემ პარლამენტის პლენარულ სხდომაზე განაცხადა.

დეპუტატის თქმით, აქტიური პროპაგანდა მიდის იმისკენ, რომ პრეზიდენტის პარლამენტში მისვლის დღეს ტემპერატურა მაქსიმალურად იყოს აწეული.

„მაოცებს ცოტათი ზოგიერთი ექსპერტის ძალიან ღრმა ჩართულობა ამ პროცესის  განხილვაში, იმდაგვარად, რომ პირდაპირ სცენარსაც კი  წინასწარმეტყველებენ, თუ  რაზე გამოვა პრეზიდენტი, რაზე ილაპარაკებს, როგორ იქნება და ა.შ.  ადამიანს ისეთი შთაბეჭდილება გრჩება ხანდახან, როდესაც ამ ყველაფერს უსმენ რომ ეს ადამიანი, კონკრეტულად ბატონ გია ხუხაშვილზე მაქვს საუბარი, რომ ექსპერტი კი არ არის,  პირდაპირ თანამონაწილეა მემგონი  იმ გამოსვლის, რასაც პრეზიდენტი ამზადებს.  ასეთი მიდგომები ამ საკითხთან დაკავშირებით საინტერესო კითხვის ნიშნებს ბადებს ყოველთვის.  ეს არის ძალიან მნიშვნელოვანი და აქტიური პროპაგანდა მიდის იმისა, რომ  ტემპერატურა მაქსიმალურად იქნება აწეული  პარლამენტში ამ დღეს და მინდა ყველას შევახსენო, მათ შორის ასეთი სახის ექსპერტებსაც, რომლის წინასწარმეტყველებაც  იშვიათად  ხდება სხვათაშორის საქართველოს პრეზიდენტის ფუნქცია არის  დამბალანსებლის როლი პოლიტიკურ რეალობაში საქართველოში  და არა როგორც  ტემპერატურის აწევის და არა ისეთი თემების გამწვავების, რომელიც არ არსებობს დღეს საქართველოში“,-განაცხადა კობერიძემ.

ცნობისთვის, პრეზიდენტი პარლამენტში ყოველწლიური მოხსენებით 7 აპრილს გამოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა