„ახალი მემარჯვენეების“ ლიდერმა მამუკა კაციტაძემ თვითმმართველობის რეფორმასთან დაკავშირებით ისაუბრა.

როგორც მან ჟურნალისტებს განუცხადა, ხელისულფებამ 2014 წლის თვითმმართველობის არჩევნების წინ გაცემული დაპირებები არ შეასრულა.

მისივე თქმით, მმართველმა გუნდმა კარგად იცოდა, რომ თვითმმართველობის სფეროში რეფორმა ხარჯების გაზრდას მოითხოვდა.

„კარგად მახსოვს, 2014 წელს „ქართული ოცნების“ ხელისუფლებამ ადგილობრივი თვითმმართველობის არჩევნების წინ, დააანონსა სერიოზული რეფორმა თვითმმართველობის სფეროში. კერძოდ, დეცენტრალიზაცია უფლებამოსილების, ფინანსების, ქონების, ახალი თვითმმართველობის შექმნა, ორდონიანი თვითმმართველობა და ასე შემდეგ. მან თქვა, რომ მომავალი არჩევნებისთვის უფრო განვითარებულს შემოგვთავაზებდა და შექმნა 7 ახალი თვითმმართველი ქალაქი. სამი წლის თავზე ვხედავთ, რომ არაფერი შესრულებულა და 7 თვითმმართველობა უქმდება. ყველაფერის თამაში გამიგია ბავშვობიდან დაწყებული, ომობანაც გამიგია, სახლობანაც, დედობანაც, მამობანაც, თვითმმართველობანა არ გამიგია, რასაც ახლა თამაშობს „ქართული ოცნება“. შეიძლება ესე ეთამაშო 7 ქალაქს, რომ დღეს გყავს მერი, საკრებულო, ხვალ აღარ გყავს. ზურგის ტვინის დონე იყო იმისათვის საკმარისი, რომ გაგეთვალა, რომ ახალი თვითმმართველობის შექმნა ხარჯებს გაზრდიდა. ხარჯების გარეშე თვითმმართველობა არ არსებობს. არის ასეთი ებრაული გამოთქმა - „არც შენთვის იცოდე და არც სხვისთვის დაგეჯერებინოსო“. როცა ამას ქმნიდნენ, მაშინვე ვუთხარით ხელისუფლებას, რომ ეს დაკავშირებული იქნებოდა ხარჯებთან, მაგრამ სამაგიეროდ არის პოზიტიური პროცესი, რომ მოხდება დეცენტრალიზაცია, ანუ სერვისების დაახლოება მოსახლეობასთან“, - განაცხადა მამუკა კაციტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა