ბათუმის ინფექციური პათოლოგიის, შიდსისა და ტუბერკულოზის რეგინული ცენტრის A კორპუსის რეაბილიტაცია დასასრულს უახლოვდება.

აჭარის ა/რ ჯანდაცვის სამინისტროს ინფორმაციით, უახლოეს პერიოდში დაიწყება სამედიცინო დაწესებულების შიდა ინტერიერის მოწყობა და სამედიცინო აპარტურით აღჭურვა.

დღეს, აღნიშნული საკითხები აჭარის ჯანდაცვის მინისტრმა ზაალ მიქელაძემ თურქეთის რესპუბლიკის ჯანდაცვის სამინისტროს საერთაშორისო ურთიერთობების დეპარტამენტის უფროსთან სელამი ქილიჩთან და თურქეთის თანამშრომლობისა და კოორდინაცის სააგენტოს თბილისის ოფისის კოორდინატორთან ჰუსეინ შანლისთან ერთად განიხილა.

„მადლობას მოგახსენებთ აჭარის რეგიონის ჯანდაცვის სფეროს მხარდაჭერისათვის. პროექტები, რომლებიც თურქეთის რესპუბლიკის ხელშეწყობით ხორციელდება რეგიონის მოსახლეობისათვის მნიშვნელოვანია“, - აღნიშნა ზაალ მიქელაძემ.

„თურქეთის მთავრობა და ჯანდაცვის სამინისტრო მზად არის დაეხმაროს აჭარის რეგიონს ჯანდაცვის სფეროს ყველა მიმართულებით“, - განაცხადა სელამი ქილიჩმა.

სამუშაო შეხვედრა აჭარის ჯანდაცვის სამინისტროში გაიმართა. შეხვედრას მინისტრის მოადგილეები ლელა სურმანიძე და ზურაბ თენიეშვილი, ასევე TIKA-ს სპეციალისტი საქართველოს პროექტებზე ოია თუთუნჯუ და თურქი ინფექციონისტი ემინ ედიზ თუთუნჯუ ესწრებოდნენ.

ცნობისთვის, აჭარის ჯანდაცვის სამინისტროს ინიციატივით და თურქეთის თანამშრომლობისა და კოორდინაციის სააგენტოს (TIKA) მხარდაჭერით 2016 წ დაიწყო ქ. ბათუმის ინფექციური პათოლოგიის, შიდსისა და ტუბერკულოზის რეგიონული ცენტრის A კორპუსის რეაბილიტაცია/რეკონსტრუქცია. რეაბილიტაციის პროცესის დასრულების შემდეგ რეგიონს ექნება თანამედროვე სტანდარტების შესაბამისი ინფექციური პათოლოგიების სამკურნალო სამედიცინო დაწესებულება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიუშენის კუნთოვანი დისტროფიის მქონე ბავშვების დასახმარებლად ამ დროისთვის 1 000 000 ლარი შეგროვდა

ჟურნალისტური ეთიკის ქარტია რეჟიმს - შეწყდეს რეპრესიები, სოლიდარობა დამოუკიდებელ მედიას

დიუშენით დაავადებული ბავშვების დასახმარებელ მარათონში კომპანიები ჩაერთნენ

რუბიომ განაცხადა, რომ აშშ-ს, უკრაინასა და რუსეთს შორის მოლაპარაკებები ჩიხში შევიდა