ფინანსთა სამინისტროში ფისკალური პოლიტიკისა და მართვის და ქვეყნის ფისკალური პოლიტიკის ევროკავშირის ქვეყნებთან თავსებადობის საკითხებზე შემაჯამებელი შეხვედრა გაიმართა.

უწყების ინფორმაციით, შეხვედრას არასამთავრობო ორგანიზაციების გარდა,  სახელმწიფო აუდიტის სამსახურის და ევროკავშირის წარმომადგენლები დაესწრნენ.

თავის გამოსვლაში ფინანსთა მინისტრის მოადგილე გიორგი კაკაურიძემ ისაუბრა ფისკალური პოლიტიკისა და მართვის ძირითად პრინციპებსა და მის მნიშვნელობაზე, აგრეთვე სამოქალაქო საზოგადოების როლზე ქვეყნის ფისკალური პოლიტიკის წარმართვის პროცესში, ამ მიმართულებით საზოგადოების ცნობიერების ამაღლების და მოქალაქეთა ჩართულობის გაზრდის მნიშვნელობაზე.

ფინანსთა სამინისტროს საბიუჯეტო დეპარტამენტის უფროსმა ეკატერინე გუნცაძემ მოკლედ მიმოიხილა რეგიონებში გამართული შეხვედრები მუნიციპალიტეტების და სამოქალაქო სექტორის წარმომადგენლებთან. მან ისაუბრა ევროკავშირის ქვეყნების ფისკალური პოლიტიკისა და მართვის ძირითად პრინციპებზე, აგრეთვე საქართველოს ფისკალური პოლიტიკის ევროკავშირის პრაქტიკასთან თავსებადობაზე.

ასევე ყურადღება გამახვილდა ისეთ მნიშვნელოვან მიმართულებებზე, როგორიცაა ძირითადი ფისკალური წესები, დამოუკიდებელი ფისკალური ინსტიტუტები, საშუალოვადიანი დაგეგმვა და სხვ. შეხვედრაზე განხილულ საკითხებს შორის იყო 2017 წლიდან საქართველოს კანონმდებლობით ამოქმედებული რეგულაციები და მისი მნიშვნელობა.

შეხვედრის ბოლოს ორგანიზატორებმა შეაჯამეს საჯარო ფინანსების რეფორმის ფარგლებში უკვე განხორციელებული, ასევე საშუალოვადიან პერიოდში განსახორციელებელი ღონისძიებები.

საქართველოს ფინანსთა სამინისტრომ მსგავსი შეხვედრები არასამთავროვო ორგანიზაციის წარმომადგენლებისთვის უკვე ჩაატარა ბათუმში, ქუთაისში, ბორჯომსა და რუსთავში. სამინისტრო იმედს გამოთქვამს, რომ  სამოქალაქო საზოგადოება იქნება მეტად აქტიური და გაიზრდება მათი დაინტერესება და ჩართულობა ფისკალური პოლიტიკისა და მართვის საკითხებზე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: დღეს საქართველო არის დამოუკიდებელი და სუვერენული, როგორც არასდროს

ყაველაშვილი: კარგად უნდა გავაცნობიეროთ, დამოუკიდებლობა არაა სამუდამოდ ბოძებული მოცემულობა

შიო III: თავისუფლება მხოლოდ პოლიტიკურ მონაპოვრად და წარსულის მემკვიდრეობად არ უნდა ვაქციოთ

დიუშენის მქონე ბავშვების მშობლები დამოუკიდებლობის დღესთან დაკავშირებით განცხადებას ავრცელებენ