,,ახალგაზრდა უფლებადამცველთა ასოციაცია" "ნაციონალური მოძრაობის" გასამართლების მოთხოვნით, დღეს აქციას გამართავს

2015-03-21 10:31:20, 768 ნახვა

საზოგადოება

"ახალგაზრდა უფლებადამცველთა ასოციაცია" სხვა არასამთავრობოებთან ერთად, საზოგადოებრივ მაუწყებელთან დღეს აქციას გამართავს და "ნაციონალური მოძრაობის", როგორც პოლიტიკური პარტიის, გასამართლებას მოითხოვს.

აქცია 15:00 საათზე დაიწყება.

""ნაციონალური მოძრაობა" უნდა გასამართლდეს, საერთოდ უნდა აიკრძალოს. ესაა ჩვენი მოთხოვნა, რის გამოც ხვალ "საზოგადოებრივ მაუწყებელთან" შევიკრიბებით და ჩენს პროტესტს გამოვხატავთ",-განუცხადა "ექსპრესნიუსს" "ახალგაზრდა უფლებადამცველთა ასოციაციის" ხელმძღვანელმა ალექსანდრე კობაიძემ.

ცნობისთვის, "ერთიანი ნაციონალური მოძრაობა“ მთავრობის სრული შემადგენლობის გადადგომის მოთხოვნით, დღეს, თავისუფლების მოედანზე, აქციის გამართვას გეგმავს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან