“ნიუ ჰოსპიტალსში” ინტეგრირდა “ამერიკული კლინიკა თბილისში”, რომელიც პაციენტებს  სთავაზობს სრულიად ახალ სერვისებს.

“ნიუ ჰოსპიტალსსა” და ამერიკულ კლინიკას შორის თანამშრომლობა გულისხმობს  არა მხოლოდ სამედიცინო მომსახურების მიწოდებას, არამედ სტრატეგიულ თანამშრომლობას როგორც კლინიკური პრაქტიკის განვითარების კუთხით, ასევე  საერთაშორისო Joint Commission International (JCI)   აკრედიტაციის მიმართულებითაც.

დღეის მდგომარეობით “ნიუ ჰოსპიტალსი” და “ამერიკული კლინიკა” პაციენტებს სთავაზობს ტელემედიცინის საშუალებით 20-მდე ექიმ სპეციალისტის მომსახურებას. ასევე შესაძლებელია საქართველოში ჩატარებული რადიოლოგიური კვლევების გადაგზავნა “ამერიკის რადიოლოგთა ასოციაციაში” რთული შემთხვევების განხილვისა და კვლევების ინტერპრეტაციის მიზნით.

აღნიშნული თანამშრომლობის ფარგლებში “ნიუ ჰოსპიტალსში” პერიოდულად ჩამოვლენ ამერიკაში მოღვაწე წარმატებული ქართველი და ამერიკელი ექიმები, რომლებიც ჩაატარებენ კონსულტაციებს სხვადასხვა მიმართულებით.

როგორც “ამერიკული კლინიკა თბილისში” დამფუძნებელი ბატონი გიორგი კაციტაძე აღნიშნავს “ “ნიუ ჰოსპიტალსი” არის ჩვენი სტრატეგიული პარტნიორი, ჩვენ პაციენტებს ვაწვდით მაღალი ხარისხის სამედიცინო მომსახურებას და რაც მთავარია ვაყალიბებთ პროფესიულ კავშირების მედიცინის სხვადასხვა მიმართულებებში. მიხარია, რომ ჩვენი პარტნიორი “ნიუ ჰოსპიტალსი” ნერგავს და ავითარებს სრულიად ახალ და პროგრესულ მიმართულებებს, როგორიცაა ტელემედიცინა და ასევე ხელს უწყობს წარმატებული ექიმების იტეგრაციას და პროფესიული კავშირების განვითარებას”.

 “ნიუ ჰოსპიტალსის” გენერალური დირექტორი ბატონი ნიკა ოქრიაშვილი აღნიშნავს, რომ  “დღეს ნიუ ჰოსპიტალში პაციენტები ასევე  სარგებლობენ ამერიკული სტანდარტების და ხარისხის სამედიცინო სერვისებით, ჩვენ უკვე გვაქვს შესაძლებლობა პაციენტებს მივაწოდოთ ის სერვისები, რომელიც აქამდე ხელმისაწვდომი არ იყო და შესაბამისად მათ უწევდათ ქვეყნის ფარგლებს გარეთ გამგზავრება”.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T

თბილისში ტრამპ თაუერის აშენება ივანიშვილის შვილის ნაწილობრივ საკუთრებაში არსებულ მიწაზე იგეგმება

დამოუკიდებლობა შენი გადაწყვეტილებაა -თიბისი - 33 წელი დამოუკიდებელ საქართველოსთან ერთად

ინტენსიურმა წვიმამ დედაქალაქის სხვადასხვა რაიონში გარკვეული პრობლემები შექმნა