მინდია ჯანელიძის ინფორმაციით, სამხედრო მოსამსახურეების ხელფასები არ შემცირდება

2015-03-19 14:06:58, 451 ნახვა

პოლიტიკა

თავდაცვის მინისტრის მინდია ჯანელიძის შეფასებით, სამხედრო მოსამსახურეების და სოციალური უზრუნველყოფის მიმართულებით თანხების დაზოგვა არ იგეგმება.

ამის შესახებ ჯანელიძემ მთავრობის ადმინისტრაციაში ჟურნალისტებს „ქამრების შემოჭერის“ თემის კომენტირებისას განუცხადა.

„როგორც ითქვა, ქამრების შემოჭერის პოლიტიკა შეეხება ადმინისტრაციულ , სამივლინებო, წარმომადგენლობით ხარჯებს. თავდაცვის სამიინსტროც ამ ნაწილში გარკვეულ ეკონომიებს გააკეთებს. რაც შეეხება კაპიტალურ დანახარჯებს, სამხედრო მოსამსახურეების ხელფასებს და სოციალურ უზრუნველყოფას, ამ მიმართულებით ეკონომიების გაკეთება არ იგეგმება“, - აღნიშნა ჯანელიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან