ფოკის საზოგადოებრივ ცენტრში "ქალთა უფლებებისა და გენდერული თანასწორობის საკითხებზე საინფორმაციო შეხვედრა გაიმართა.

ორდღიანი ღონისძიება პროექტის, სახელწოდებით "საჯარო სექტორის განვითარების ხელშეწყობა, ცენტრალურ და ადგილობრივ დონეზე სერვისების ეფექტური მიწოდების გზა" ფარგლებში მოეწყო.

შეხვედრა, რომელიც ქალთა საინფორმაციო ცენტრთან პარტნიორობით ხორციელდება გამოფენით გაიხსნა; საგამოფენო ექსპონატები სახელწოდებით -"1919-21 წლების დამფუძნებელი კრების წევრი ქალები" ეროვნული არქივის ხელშეწყობით მომზადდა. გამოფენის მიზანი ქალთა აქტივიზმის გაზრდა და მათი პოლიტიკური მონაწილეობის წარმოჩენა იყო.

შეხვედრაზე, გენდერულ თანასწორობაზე - ძირითადი ცნებების განსაზღვრებებზე, გენდერულ როლებსა და სტერეოტიპებზე ისაუბრეს. ასევე, განიხილეს საქართველოს კანონი გენდერული თანასწორობის შესახებ, მისი აღსრულების ინსტიტუციური მექანიზმები და გენდერული თანასწორობის საერთაშორისო პრაქტიკა. საინფორმაციო შეხვედრას ადგილობრივ მოსახლეობასთან ერთად ესწრებოდნენ სათემო განვითარების ცენტრის წარმომადგენლები, სახელმწიფო სერვისების განვითარების სააგენტოს თანამშრომლები და „ქალთა საინფორმაციო ცენტრის“ ხელმძღვანელები.

ანალოგიური ტიპის შეხვედრების გაგრძელება იგეგმება საქართველოს 7 საზოგადოებრივ ცენტრში. პროექტი შვედეთის საერთაშორისო განვითარების სააგენტოს (SIDA) მხარდაჭერით ხორციელდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება