გუდაურში მოქმედ საკოორდინაციო შტაბში მორიგი სხდომა მიმდინარეობს, რომელზეც დიდთოვლობასთან დაკავშირებით არსებულ მდგომარეობაზე მსჯელობენ. საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი წუხელ გვიანობამდე ახორციელებდა ჯვრის უღელტეხილიდან კობის მიმართულებით გზის გაწმენდით სამუშაოებს.

გარემოს ეროვნული სააგენტოს სპეციალისტები დღეს დილიდან აწარმოებენ დაკვირვებას ზვავსაშიშ უბნებზე. ადგილზე მობილიზებულია შესაბამისი ტექნიკა და საავტომობილო გზების დეპარტამენტი გზის გაწმენდას მას შემდეგ გააგრძელებს, როცა შესაბამისი სამსახურები ზვავებს ხელოვნურად ჩამოშლიან.

საკოორდინაციო შტაბის სხდომას, რომელსაც შინაგან საქმეთა, რეგიონული განვითარებისა და ინფრასტრუქტურის, გარემოსა და ბუნებრივი რესურსების დაცვის, ეკონომიკისა და მდგრადი განვითარების, ენერგეტიკის, შრომის, ჯანმრთელობისა და სოციალური დაცვის სამინისტროებისა და ადგილობრივი მუნიციპალიტეტების წარმომადგენლები ესწრებიან, დადებითად შეფასდა  ის კომპლექსური ღონისძიებები, რომლებიც უწყებებმა კოორდინირებულად განახორციელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში იპოთეკური სესხები 50%-ზე მეტით შემცირდა

რუსეთის მიერ აღიარებულმა თალიბანმა ავღანეთში ბავშვთა ქორწინება დააკანონა

ოცნებამ საპატრიარქოსთვის სარეზერვო ფონდიდან 5 მილიონ 300 ათასი ლარი გამოყო

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა