საკონსტიტუციო სასამართლოს ახალი თავმჯდომარის არჩევის საკითხზე პლენუმი დღეს იმსჯელებს
საკონსტიტუციო სასამართლოს თავმჯდომარეს ახლადდაკომპლექტებული პლენუმი აირჩევს. 
მოსამართლეები დღეს 12:00 საათზე შეიკრიბებიან და დახურული ფორმატის საორგანიზაციო შეხვედრას გამართავენ. 

დღესვე სასამართლოს მუშაობაზე იმსჯელებენ, ახალი თავმჯდომარის შესახებ კი, 14:00 საათზე იმსჯელებენ.

კონსტიტუციის თანახმად, პლენუმმა სასამართლოს თავმჯდომარეობის კანდიდატები ორი კვირის ვადაში უნდა დაასახელოს, ხოლო ახალი თავმჯდომარე ხუთი კვირის ვადაში უნდა აირჩიონ.

ახალი წესის თანახმად, საკონსტიტუციო სასამართლოს თავმჯდომარეობის კანდიდატი პლენუმის სამმა წევრმა უნდა წარადგინოს. თავმჯდომარის ასარჩევად კი, კანდიდატს ხუთი მოსამართლის მხარდაჭერა სჭირდება.

საქართველოს საკონსტიტუციო სასამართლოს სამმა ახალმა მოსამართლემ ფიცი 2 ოქტომბერს დადო. პლენუმის ახალი წევრები ირინა იმერლიშვილი, გიორგი კვერენჩხილაძე და თემურ  ტუღუში არიან. 

სასამართლოს თავმჯდომარეობის უფლებამოსილების ვადა გიორგი პაპუაშვილს 3 ოქტომბერს ამოეწურა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე